Zatrymanyja 15 sakavika hramadzianie hruba parušyli zakon ab masavych mierapryjemstvach. Pra heta paviedamiŭ žurnalistam aficyjny pradstaŭnik MUS Hieorhij Jaŭčar, pieradaje BIEŁTA.
Artykułam 11 zakona ab masavych mierapryjemstvach zabaroniena chavać svaje tvary pad maskami.
«Padčas akcyi 15 sakavika asobnyja hramadzianie hruba parušyli zakon ab masavych mierapryjemstvach, jaki zabaraniaje chavać tvary pad maskami. Supracoŭniki milicyi papiaredžvali pra niepravamiernaść takich dziejańniaŭ. Adnak zakonnyja patrabavańni pravaachoŭnikaŭ hramadzianie praihnaravali i praciahnuli ŭdzieł u mierapryjemstvie mienavita ŭ maskach. Z metaj vyśviatleńnia asoby, a taksama mahčymaj datyčnaści da inšych pravaparušeńniaŭ było pryniataje rašeńnie ab zatrymańni», — skazaŭ Hieorhij Jeŭčar.
Jon taksama rastłumačyŭ zatrymańnie ŭ hramadskim transparcie. «Zatrymańnie ŭ hramadskim transparcie pravodziłasia, bo była imaviernaść taho, što pravaparušalniki mohuć uciačy. Hramadzianie akazali supraciŭ, adzin supracoŭnik milicyi atrymaŭ traŭmy i ciapier znachodzicca na lačeńni ŭ špitali. Usiaho za parušeńnie zakona ab masavych mierapryjemstvach było zatrymana niekalki dziasiatkaŭ čałaviek. U ciapierašni čas ich dziejańniam dajecca pravavaja acenka», — raspavioŭ aficyjny pradstaŭnik MUS.