Biaspłatny Wi-Fi źjavicca na 19 čyhunačnych vakzałach bujnych haradoŭ Biełarusi. Prajekt realizuje kampanija MTS sumiesna ź Biełaruskaj čyhunkaj, paviedamili ŭ pres-słužbie mabilnaha apieratara.
Chot-spoty ź internetam źjaviacca ŭ chołach i załach čakańnia vakzałaŭ da leta biahučaha hoda. Biaspłatny internet budzie dastupny na čyhunačnych vakzałach Minska, Oršy, Maładziečna, Barysava, Baranavičaŭ, Lidy, Hrodna, Łuninca, Bresta, Pinska, Homiela, Žłobina, Kalinkavičaŭ, Mahilova, Asipovičaŭ, Babrujska, Kryčava, Viciebska i Połacka. MTS zabiaśpiečyć chutkasny dostup u sietku pry dapamozie 4G i aptyčnych kanałaŭ.
Skarystacca biaspłatnym internetam zmohuć abanienty luboha apieratara paśla prachodžańnia aŭtaryzacyi. Dla hetaha spatrebicca ŭvieści numar mabilnaha telefona ŭ śpiecyjalnaje pole, paśla čaho karystalnik atrymaje SMS z parolem dla ŭvachodu ŭ sietku.
