Jak paviedamili va USK pa Minskaj vobłaści, 6 sakavika 49-hadovaja žančyna nie vyjšła na pracu, taksama jana nie adkazvała na telefonnyja zvanki, tamu jaje kalehi źviarnulisia ŭ milicyju. Pravaachoŭniki ŭskryli kvateru i znajšli jaje cieła sa šmatlikimi kołata-rezanymi ranami.
Salihorski RASK raspačaŭ pa hetym fakcie kryminalnuju spravu ab zabojstvie, učynienym z asablivaj žorstkaściu (č. 2 p. 6 art. 139 KK Biełarusi).
Pravaachoŭniki apieratyŭna vyśvietlili asobu, datyčnuju da ździajśnieńnia złačynstva. Im akazaŭsia 27-hadovy syn zabitaj žančyny, jaki byŭ raniej sudzimy za zachoŭvańnie narkotykaŭ i nie mieŭ stałaha zarobku.
Śledčyja vyjavili, što małady čałaviek pieryjadyčna pražyvaŭ u paciarpiełaj. Kali padazravany biez dazvołu źniaŭ z bankaŭskaj kartki maci hrašovyja srodki, pamiž imi adbyŭsia kanflikt. U vyniku svarki jon nanios žančynie mnostva nažavych ranieńniaŭ. Paśla hetaha začyniŭ na kluč uvachodnyja dźviery i źjechaŭ u Minsk, dzie byŭ zatrymany na nastupny dzień.
