U pradstaŭnictvie Mižnarodnaha valutnaha fondu (MVF) u Paryžy adbyŭsia vybuch, adzin čałaviek paranieny, paviedamlaje VVS.
Getty
Pavodle papiarednich źviestak, bomba była zakładzienaja ŭ nievialiki paštovy kanviert, pra heta paviedamlaje francuzskaja palicyja. Jak udakładniajuć AFP i BFM TV, lohkija ranieńni tvaru i ruk atrymała supracoŭnica fondu, jakaja jaho adkryła.
AFP adznačaje, što ŭ kanviercie, pavodle papiarednich danych, mahła być pietarda. Adkaznaść za vybuch uziała na siabie hrečaskaja levaradykalnaja hrupoŭka «Zmova pažarnych».
Prezident Francyi Fransua Aland nazvaŭ zdareńnie teraktam.
U jakaści miery zaściarohi z ofisa MVF na avieniu Jena ŭ XVI akruzie Paryža evakujavali niekalkich supracoŭnikaŭ. Na miescy zdareńnia pracujuć palicejskija.
MVF razam ź Jeŭrapiejskaj kamisijaj i Jeŭrapiejskim centralnym bankam (JECB) dapamahaŭ hrečaskamu ŭradu paśla taho, jak jon nabliziŭsia da defołtu pa svaich daŭhach.
Napiaredadni ŭ ministerstvie finansaŭ Hiermanii znajšli padazrony skrutak, u jakim akazałasia vybuchovaje prystasavańnie. Palicyi pryjšłosia pravodzić častkovuju evakuacyju budynka. Paciarpiełych nie było.
