Ministerstva infarmacyi Biełarusi prapanavała stvaryć pahadnieńnie ab supracoŭnictvie ŭ infarmacyjnaj sfery pamiž Biełaruśsiu i Polščaj
Padrychtoŭku hetaha pahadnieńnia inicyjuje Ministerstva infarmacyi Biełarusi. Ab hetym skazała ministarka Lilija Ananič na sustrečy z namieśnikam ministra zamiežnych spraŭ Polščy Marekam Ziułkoŭskim.
Ministarka taksama dadała, što ŭ Biełarusi jość cełaja liniejka televizijnych kanałaŭ, jakija mohuć znajści svajo miesca ŭ pytańni infarmacyjnaha supracoŭnictva.
Marek Ziułkoŭski adznačyŭ, što ŭ apošni čas u Polščy vyrasła cikavaść da biełaruskich medyjaŭ. Usio heta, pavodle jaho, moža sadziejničać umacavańniu adnosin pamiž dźviuma krainami i idzie na karyść abiedźviuch dziaržaŭ.
Sioleta ŭ lutym mienavita Marek Ziułkoŭski abvieściŭ pra spynieńnie damovy pamiž MZS Polščy i telekanałam Biełsat. «Raniejšaja damova MZS Polščy i Polskaj televizii nakont stvareńnia «Biełsatu» ŭžo skasavanaja» — napisaŭ vice-ministr MZS u artykule dla hazety Rzeczpospolita
