Vykarystoŭvać patencyjał abodvuch pałoŭ nacyjanalnaj abarony — dobraja ideja, adnak kali hety praces robicca zakładnikam palityčnych manipulacyj, jon moža mieć niečakanyja admoŭnyja nastupstvy.

Hetak u sakaviku byli apublikavanyja dadzienyja Pientahona, zhodna ź jakimi 16% žančyn, jakija słužać u amierykanskim vajennym fłocie, nie zmahli adpravicca ŭ bajavyja pachody ci byli śpisanyja na bierah u suviazi ź ciažarnaściu.

Takim čynam bajazdolnaść fłotu nie tolki nie raście, ale padaje, rastuć finansavyja vydatki, kamandziry i kalehi matrosaŭ-žančyn nie ŭpeŭnienyja ŭ svaich «bajavych siostrach», jakim prychodzicca terminova šukać zamienu.

Pravierka źniešniaha vyhladu marakoŭ i aficeraŭ. Fota US Navy.

Pravierka źniešniaha vyhladu marakoŭ i aficeraŭ. Fota US Navy.

U cełym žančyny niečakana pakidajuć svaje pasady na karablach VMS, kab viarnucca na bierah, na 50% čaściej, čym mužčyny, śviedčać aficyjnyja źviestki.

Akramia taho, evakuacyja ciažarnaj z karabla, jaki znachodzicca ŭ bajavym pachodzie, moža kaštavać fłotu da $30 000, piša viadomaja aŭtar knih pra žančyn u armii Jude Eden, jakaja sama słužyła ŭ Korpusie marskoj piachoty ŭ Iraku.

U 2016 hodzie takija pieravody kaštavali Pientahonu da $115 miljonaŭ, piša stream.org. Ciažka acanić źnižeńnie bajavoj hatoŭnaści karabloŭ, jakija daloka ad bierahu mohuć zhubić śpiecyjalistaŭ, što byli padrychtavanyja da vykanańnia kankretnych abaviazkaŭ. Situacyja bje i pa maralnym duchu tych, chto zastajecca na karabli.

«Ciažarnaść vyklučaje vas z aktyŭnaj słužby prykładna na dva hady. Zamieny vam niama. U vyniku ŭsim prychodzicca pracavać za vas», — adznačyła Jude Eden. Na nievialikich karablach i na padvodnych łodkach situacyja moža ŭvohule pieraŭtvarycca ŭ «kadravuju katastrofu», dadała jana.

Były prezident ZŠA Barak Abama imknuŭsia rezka pavialičyć kolkaść žančyn na vajskovaj słužbie, da čaho imkniecca fieminisckaje łobi. Zaŭvahi mnohich prafiesijnych vajskoŭcaŭ pra mahčymyja admoŭnyja nastupstvy dla samich žančyn i dla bajazdolnaści armii zastavalisia biez uvahi.

Fłot ličycca adnym z najbolš biaśpiečnych vidaŭ uzbrojenych sił sučasnych ZŠA, asabliva ŭ paraŭnańni z Suchaputnymi vojskami ci Marskoj piachotaj, jakija zhubili bolš za 4000 čałaviek zabitymi padčas bajavych dziejańniaŭ u Iraku z 2003 pa 2011 hod.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?