U pieršy dzień adkryćcia XXIV Mienskaha mižnarodnaha knižnaha kirmašu niekatoryja rasiejskija vydaviectvy vystavili na svaje stendy knihi, jakija byli rascenienyja naviednikami jak tyja, što raspalvajuć mižnacyjanalnuju varožaść. 9 lutaha ranicaj hetuju litaraturu prybrali, zapeŭniŭ arhanizatar vystavy, vydaviectva «Makbieł».

Rasiejskaje vydaviectva «Knižnyj mir» pradstaviła antyŭkrainskuju litaraturu: «Rycari Novorośsii. Chroniki korriespondienta lehiendarnoho Motoroły» Hienadzia Dubavoha, «Donbass: ot Słavianska do Diebalcievo» Michaiła Palikarpava, «Kukły i kukłovody. Ukrainskije katastrofy», aŭtar El Miuryd.

Vystavili i knihi ciapier niabožčyka Alesia Buziny — «Vurdałak Taras Šievčienko», «Sojuz płuha i triezuba: kak pridumali Ukrainu».

Padrabiaziej u artykule NN:

«Vurdałak Taras Šaŭčenka», «Rycary Navarosii Mataroła i Hivi»: antyŭkrainskaja litaratura na Minskim knižnym kirmašy

Pradstaŭnica adnaho z arhanizataraŭ vystavy, kampanii «Makbieł», apiaredziła nastupnaje pytańnie karespandenta:

«Vy majecie na ŭvazie knihi pra Navarosiju? Ich sa stendaŭ užo źniali. Vydaviectvy arandujuć u nas płoščy, stendy i ŭ pieršy dzień da 12-j hadziny raskładajuć svaju pradukcyju. Ale paśla hetaha my abaviazkova prachodzim i hladzim, jakaja litaratura pradstaŭlena. I siońnia z ranicy ŭsie hetyja knižki sumnieŭnaha źmiestu pryniali. Ludziej papiaredzili, što hetyja knihi ŭ našaj krainie niepažadanyja, u Biełarusi jość śpis ekstremisckaj litaratury, zabaronienaj. Pry nas prybrali i byccam by ŭsio zrazumieli. Ahladajem my nia tolki rasiejskija stendy, ale i ŭsie inšyja. Budziem i nadalej adsočvać».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?