Pa vynikach kastryčnika 2016 h. zołatavalutnyja reziervy Respubliki Biełaruś u vyznačeńni SSRD MVF pavialičylisia na 62,1 młn. dalaraŭ ZŠA i, pavodle papiarednich źviestak, na 1 listapada 2016 h. skłali 4 817,1 młn. dalaraŭ ZŠA ŭ ekvivalencie, paviedamlaje pres-słužba Nacbanka.

U nacyjanalnym vyznačeńni abjom zołatavalutnych reziervaŭ źmienšyŭsia na 70,5 młn. dalaraŭ ZŠA i na 1 listapada 2016 h. skłaŭ 5 174,6 młn. dalaraŭ ZŠA ŭ ekvivalencie.

Padtrymańniu zołatavalutnych reziervaŭ spryjali pastupleńnie srodkaŭ ad prodažu Nacbankam i Ministerstvam finansaŭ ablihacyj, naminiravanych u zamiežnaj valucie, kupla Nacbankam zamiežnaj valuty na tarhach AAT «Biełaruskaja valutna-fondavaja birža», a taksama pastuplenni ad źbirańnia ekspartnych pošlin na naftu i naftapradukty.

Akramia taho, pryniataje Vykanaŭčym savietam MVF rašeńnie ab uklučeńni z 1 kastryčnika 2016 h. kitajskaha juania ŭ košyk valut, jakija składajuć śpiecyjalnyja pravy zapazyčańnia (SDR), dazvoliła ŭličvać hetuju valutu pry raźliku pakazčyka zołatavalutnych reziervaŭ Respubliki Biełaruś u vyznačeńni SSRD MVF i, takim čynam, paspryjała jaho pavieličeńniu pa ŭkazanaj mietadałohii, adznačajecca ŭ paviedamleńni pres-słužby.

Admoŭny ŭpłyŭ na abjom zołatavalutnych reziervaŭ u asnoŭnym akazała pahašeńnie uradam i Nacbankam źniešnich i ŭnutranych abaviazacielstvaŭ u zamiežnaj valucie ŭ poŭnym abjomie, a taksama źnižeńnie koštu zołata na mižnarodnym rynku kaštoŭnych mietałaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?