Siońnia ŭ Biełarusi startuje nacyjanalny adboračny tur na konkurs «Jeŭrabačańnie-2017», paviedamlaje Biełteleradyjokampanija — arhanizatar nacyjanalnaha adboru.

Pałažeńnie ab praviadzieńni Nacyjanalnaha adboračnaha tura mižnarodnaha televizijnaha konkursu pieśni «Jeŭrabačańnie-2017» 3 listapada na pasiadžeńni ŭchvalili členy pastajanna dziejučaha arhanizacyjnaha kamiteta pa padrychtoŭcy da «Jeŭrabačańnia», havorycca ŭ paviedamleńni.

Tradycyjna aficyjny pradstaŭnik Biełarusi dla ŭdziełu ŭ mižnarodnym konkursie pieśni «Jeŭrabačańnie-2017» budzie vyznačany padčas tranślacyi finału nacyjanalnaha adboru hałasavańniem telehledačoŭ i prafiesijnaha žury pa kłasičnaj formule 50x50. Finalistaŭ, u svaju čarhu, vyznačyć prafiesijnaje žury padčas adkrytaha prasłuchoŭvańnia ŭsich pretendentaŭ adboru.

Mižnarodny konkurs «Jeŭrabačańnie-2017» projdzie ŭ mai ŭ Kijevie (Ukraina). Paŭfinały adbuducca 9 i 11 maja, finał samaha maštabnaha piesiennaha šou Jeŭropy pryznačany na 13 maja.

Pramuju tranślacyju dvuch paŭfinałaŭ i finału konkursu buduć vieści telekanały Biełteleradyjokampanii — «Biełaruś 1» i mižnarodny spadarožnikavy telekanał «Biełaruś 24».

Клас
0
Панылы сорам
0
Ха-ха
0
Ого
0
Сумна
0
Абуральна
0