FBR i amierykanskija raźviedvalnyja słužby vyvučajuć padroblenyja dakumienty, jakija staviać na mecie dyskredytacyju vybarčaj kampanii kandydata ŭ prezidenty ZŠA ad Demakratyčnaj partyi Chiłary Klintan. Pra heta paviedamlaje Reuters sa spasyłkaj krynicy, znajomyja ź situacyjaj.

Pradstaŭnik FBR u hutarcy z ahienctvam paćvierdziŭ, što ŭ viedamstva «pastupiła skarha ab nibyta padroblenym liście», źviazanym z vybarami. Adnak supracoŭnik biuro admoviŭsia ad dalejšych kamientaroŭ, piša rbc.ru.

Supracoŭniki amierykanskaj raźviedki ŭ asabistaj hutarcy raspaviali, što za ŭzłomam sistem dempartyj mohuć stajać padtrymlivanyja rasijskim uradam chakiery, jakija vykarystoŭvajuć takija miery, kab padarvać davier prezidenckich vybaraŭ u ZŠA. «Heta moža ŭklučać u siabie publikacyju falšyvych dokazaŭ machlarstva z hałasami vybarščykaŭ abo inšuju dezinfarmacyju», - raspaviali amierykanskija čynoŭniki ahienctvu.

Prezidenckija vybary ŭ ZŠA projduć 8 listapada.

Клас
0
Панылы сорам
0
Ха-ха
0
Ого
0
Сумна
0
Абуральна
0