U vioscy Krasnoŭka Naraŭlanskaha rajona 27 vieraśnia pakončyŭ z saboj miascovy žychar. Pra padrabiaznaści trahiedyi paviedamili svajaki i adnaviaskoŭcy zahinułaha.

Zhodna ź ich słovami, 57-hadovy mužčyna pieravoziŭ na traktary bulbu, pry hetym znachodziŭsia ŭ stanie ałkaholnaha apjanieńnia. Jaho spynili supracoŭniki DAI, jakija paśla pazbavili viaskoŭca prava na kiravańnie i aštrafavali na 1,5 tysiačy rubloŭ (pryblizna 750 dołaraŭ).

Jak śćviardžajuć adnaviaskoŭcy, mužčyna vielmi pieražyvaŭ z-za sumy štrafu, jana jamu zdavałasia niepadjomnaj, i vyrašyŭ pakončyć z saboj. Choć blizkija jaho adhavorvali i pierakonvali, što dapamohuć vypłacić štraf. Adna sa svajačak adznačyła, što mužčyna skazaŭ: «Niama cieła — niama dzieła», paśla čaho kudyści pajšoŭ, a znajšli jaho ŭžo paviešanym.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?