Kažan, jaki lažaŭ na padłozie, byŭ znojdzieny supracoŭnikam Minskaha mietrapalitena pad dźviaryma administracyjnaha korpusa.

Rabotnik mietro ŭziaŭ kažana, sfatahrafavaŭ i dapamoh jamu zamacavacca na padakońniku budynka.

Jak patłumačyŭ staršy navukovy supracoŭnik łabaratoryi malekularnaj zaałohii NPC pa biaresursach NAN Biełarusi pa bijaresursach Valeryj Dambroŭski, heta, mierkavana, poźni albo dvuchkolerny kažan. Takija vidy ŭ Biełarusi davoli raspaŭsiudžanyja i źjaŭlajucca sinantropnymi. Heta značyć lubiać sialicca tam, dzie žyvie čałaviek, i karystajucca vyhodami haradoŭ. Lichtary pryciahvajuć nasiakomych, a kazurki — kažanoŭ. Da taho ž, u haradach zvyčajna trochi vyšejšaja tempieratura pavietra, u vychadnyja było asabliva ciopłaje nadvorje. Heta tłumačyć aktyŭnaść kažanoŭ. Źviarok, vidać, šukaŭ miesca, dzie zasnuć, ale ŭ jaho paŭstali niejkija prablemy.

Na zdymkach vidać, jak čałaviek hładzić kažana rukoj. Pa słovach Valeryja Dambroŭskaha, kažanoŭ lepš naohuł nie čapać. Jany mohuć ukusić.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?