U Biełarusi skarektujuć sistemu apłaty pracy ŭ biudžetnaj śfiery, zajaviła ministr pracy i sacyjalnaj abarony Marjana Ščotkina.

«Pa daručeńni ŭrada ŭ Minpracy padrychtavany prajekt ukaza, jaki praduhledžvaje peŭnyja źmianieńni ŭ sistemie apłaty pracy ŭ biudžetnaj śfiery, kab raźniavolić inicyjatyvu kankretnaha najmalnika i halinovych ministraŭ, jakija biez dadatkovych uzhadnieńniaŭ zmohuć prymać rašeńni, kudy nakiroŭvać srodki, kab matyvavać dziejnaść u halinie», — raskazała Marjana Ščotkina.

Takim čynam, kiraŭniki pradpryjemstvaŭ buduć ustanaŭlivać nadbaŭki da zarpłat supracoŭnikaŭ, jakich jany paličać patrebnym dadatkova prastymulavać.

«Prapanova ciapier u tym, kab źmianić sam padychod: heta značyć stavić peŭny akład, a stymulujučyja nadbaŭki buduć vyznačać kiraŭniki ŭnutry haliny ŭ zaležnaści ad taho, jaki kirunak važny», — reziumavała Marjana Ščotkina.

U čym źmieny? Na hety momant zarobak biudžetnikam naličvajecca pa strohaj formule z ulikam taryfnaj staŭki, staža i hetak dalej. Pavialičyć jaho možna tolki za košt premij, ale kožnuju ź ich treba abhruntavać. Ciapier ža prapanujecca dać načalniku svabodu ŭ naličeńni zarobkaŭ: kali najlepš pracuje adździeł markietynha, to jaho rabotniki pa zmoŭčańni buduć zarablać bolš.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?