Milicyja praviadzie pravierku pa fakcie padzieńnia dziaŭčyny z vyšyni ŭ Rečyckim rajonie, paviedamiŭ supracoŭnik pres-słužby UUS Homielskaha abłvykankama Vital Prystromaŭ.

Niaščasny vypadak adbyŭsia dniom 2 kastryčnika. Jak miarkujecca, 18-hadovaja dziaŭčyna zvaliłasia z komina niedabudavanaha i zakinutaha kruchmalnaha zavoda ŭ Vasilevičach. Z adkrytym pierałomam ściahna paciarpiełuju dastavili ŭ Rečyckuju rajonnuju balnicu, dzie joj była zroblenaja apieracyja.

Śćviardžeńnie, što dziaŭčyna paciarpieła, skačučy z tarzanki, jak paviedamili niekatoryja ŚMI, pravaachoŭnyja orhany pakul nie paćviardžajuć. «Kab vyśvietlić usie padrabiaznaści, u tym liku, jakim čynam i pry jakich abstavinach dziaŭčyna atrymała traŭmu, Rečyckim RAUS pryznačanaja pravierka. Pakul zdareńnie kłasifikujecca jak padzieńnie z vyšyni», — skazaŭ Vital Prystromaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?