Dva biełaruskija banki zajavili ab uviadzieńni abmiežavańniaŭ na źniaćcie najaŭnych z kartak u krainach z pavyšanaj ryzykaj machlarstva. Admianić hetyja limity klijenty mohuć na termin nie bolš za 30 dzion u vypadku pajezdki ŭ «niebiaśpiečnyja» krainy.

Tak Pryjorbank z 3 kastryčnika ŭvodzić zabaronu na ažyćciaŭleńnie apieracyj pa źniaćci najaŭnych z vykarystańniem płaciežnych kartak Visa i Mastercard ŭ bankamatach, raźmieščanych na terytoryi krain z pavyšanaj ryzykaj machlarstva. Siarod ich — ZŠA, Kitaj, Indyja, Tajłand i inšyja.

«Takoje rašeńnie pryniata dla skaračeńnia ryzyk, źviazanych z machlarstvam, i zabieśpiačeńnia zachavanaści hrašovych srodkaŭ klijentaŭ», — zajaŭlajuć u banku.

Pry hetym zabarona nie tyčycca ažyćciaŭleńnia bieznajaŭnych apieracyj u pradpryjemstvach handlu i servisu, a taksama na internet-resursach, zarehistravanych na terytoryi pieraličanych krain.

«Zabarona moža być źniaty trymalnikam kartki na termin znachodžańnia ŭ adnoj ź pieraličanych krain (ale nie bolš čym na 30 kalandarnych dzion). Dla hetaha nieabchodna zahadzia źviarnucca ŭ luboje adździaleńnie banka abo ŭ kantakt-centr», — udakładniajuć śpiecyjalisty banka.

Anałahičnaje rašeńnie pryniaŭ i Bank Rašeńnie. Jon ustanaŭlivaje z 3 kastryčnika zabaronu na źniaćcie najaŭnych hrošaj z sčytvańniem mahnitnaj pałasy ŭ bankamatach Kitaja, Indyi, Japonii, Niepała, Tajłanda i ZŠA.

Nahadajem, što ŭ pačatku hoda padobnyja abmiežavańni ŭvodziŭ Biełarusbank.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?