14 kastryčnika kancertam u Maładziečnie hurt «J:mors» adkryje pieršy za 5 hod paŭnavartasny tur pa Biełarusi. U prahramie — najlepšyja pieśni i novy albom «Vozduch», jaki staŭ adnym z najbolš paśpiachovych u historyi hurtu.

Hurt «J:mors» vydaŭ pieršy za piać hod albom u listapadzie 2015. Kalektyŭ užo paśpieŭ niekalki razoŭ z anšłaham pradstavić jaho ŭ Minsku: spačatku ŭ lutym u Prime Hall, paśla ŭ lipieni na płoščy kala Ratušy, dzie, niahledziačy na daždlivy dzień, sabrałosia bolš za 5 tysiač hledačoŭ. I heta biez uliku festaŭ i dzion horadu ŭ roznych kutkach Biełarusi.

— Solny kancert u miežach tura zaŭsiody adroźnivajecca ad vystupa na fiestyvali ci haradskim śviacie: jość mahčymaść vykanać bolš roznyja pa časie stvareńnia i dynamicy pieśni, pakazać niešta cikavaje bolš padrychtavanaj aŭdytoryi. Ale hałoŭnaje — solny kancert zaŭsiody ŭdvaja daŭžejšy, što pryjemna i dla nas, i dla hledačoŭ, — kaža lidar «J:mors» Uładzimir Puhač.

Hrafik tura: 14 kastryčnika — Maładziečna, 21 kastryčnika — Navapołack, 28 kastryčnika — Homiel, 29 kastryčnika — Viciebsk, 30 kastryčnika — Mahiloŭ, 26 listapada — Brest, 1 śniežnia — Hrodna, 2 śniežnia — Rečyca. 

Akramia hetaha 5 listapada ŭ Pałacy Respubliki «J:mors» i Prezidiencki arkiestr RB pradstaviać najlepšyja pieśni hurtu ŭ simfaničnych aranžyroŭkach u miežach admysłovaj prahramy «Biełaruskaje zołata». Kvitki: ad 30 da 60 rub.

Клас
0
Панылы сорам
0
Ха-ха
0
Ого
0
Сумна
0
Абуральна
0