Prezident Uźbiekistana Isłam Karymaŭ špitalizavany i znachodzicca na stacyjanarnym lačeńni. Pra heta havorycca ŭ raspaŭsiudžanym u niadzielu, 28 žniŭnia, paviedamleńni kabinieta ministraŭ.

«Na dumku śpiecyjalistaŭ, poŭnaje miedycynskaje abśledavańnie i nastupnaje lačeńnie zapatrabujuć peŭnaha času», — adznačajecca ŭ paviedamleńni ŭrada, raspaŭsiudžanaj nacyjanalnym infarmacyjnym ahienctvam UzA.

Nijakich padrabiaznaściaŭ pra zachvorvańnie nie pryvodzicca.

Jak piša «Fierhana.ru», pa nieaficyjnaj infarmacyi, 78-hadovy prezident u noč na 27 žniŭnia moh pieranieści insult. Pa dadzienych krynic vydańnia, «u Taškient užo prylacieli aŭtarytetnyja daktary z-za miažy, jakija lačyli jaho raniej i znajomyja z historyjaj chvaroby Karymava».

Karymaŭ kiruje Uźbiekistanam faktyčna z 1989 h., jak jon staŭ pieršym sakratarom CK kampartyi respubliki.

Клас
0
Панылы сорам
0
Ха-ха
0
Ого
0
Сумна
0
Абуральна
0