Mitynh la pomnika na mahile Ihnata Bujnickaha ŭ centry Prazarok.

Mitynh la pomnika na mahile Ihnata Bujnickaha ŭ centry Prazarok.

U Prazarokach (Hłybocki rajon) prajšło śviata ŭ honar 155-ch uhodkaŭ z dnia naradžeńnia zasnavalnika prafiesijnaha biełaruskaha teatru Ihnata Bujnickaha.

Kali aŭtaru hetych radkoŭ prapanavali skłaści kampaniju — pajechać u Prazaroki na ŭračystaść, to było pradčuvańnie niejkaha masavaha mierapryjemstva, va ŭsialakim razie, kali nie dziaržaŭnaha maštabu, to choć abłasnoha. Usio ž — 155! A pryjechali — pusty prykaścielny plac! Praŭda, ź dziasiatak kamiersantaŭ, sa svaimi handlovymi namiotami, dziciačymi atrakcyjonami ŭsio ž było.

Pakul usio pačniecca, zavitaŭ u kramu «Dukat», što na prykaścielnym placy — nabyć napoju, bo śpioka.

— Nie baču ŭ vašaj vioscy śviata! Usio ž — jubilej! ­— kažu pradaŭcu, jakaja ŭ pustoj kramie hladzieła na mianie pažadliva, — choć by niešta kupiŭ.

— Usie na bulbie! Dy j dla kaho śviata? Adny sastarełyja piensijaniery! Usie Prazaroki — dzieści 300 čałaviek…

— A vaš «Dukat» — dziaržaŭnaja ci pryvatnaja krama? 

— Dziaržaŭnaja! Tut ža pobač «Taler» — pryvatnaja. Dyk rašyli, kab była «kankurencyja», nazvali našuju «Dukat»! — tłumačyć pradaviec.

Pieršaje ŭražańnie, jak stałasia, było pamyłkovaje. Uvieś narod prysutničaŭ na imšy ŭ kaściole, pry hetym, jak mnie skazali, u ksiandza i dzień narodzinaŭ.

Paśla kaścioła — za dva dziasiatki krokaŭ — narod pierajšoŭ u Dom kultury.

Mahu nazvać kolkaść ludziej, jakaja prysutničała, z dakładnaściu 99%. 132 — stolki miescaŭ u zale, plus ź dziasiatak ludziej, jakija stajali ŭ prachodach. To bok, jak dla vioski (oj, ahraharadka) — vialikaje śviata!

Pryvitalnaje słova ad kiraŭnictva rajona pramoviła Taćciana Małatoŭnik, namieśnik staršyni rajvykankama pa sacyjalnych pytańniach. Zhadaŭšy pry hetym, što Hłyboččyna — radzima dziasiatkaŭ vybitnych ludziej, jakija pakinuli svoj važki śled u historyi Biełarusi. Nahadała, što Hłyboččyna jość radzimaj i dla Vacłava Łastoŭskaha, palityka, historyka, litaratara, Kłaŭdzija Duž-Dušeŭskaha, hramadska-kulturnaha dziejača, architektara, dypłamata.

Stała ŭžo dobraj tradycyjaj — hłybockija čynoŭniki nie curajucca na scenie rodnaj movy.

Na scenie vystupili ŭdzielniki mastackaj samadziejnaści Damoŭ kultury Hłybockaha rajona, a taksama artysty miascovaha Doma kultury, jakija prademanstravali tancy i praśpiavali lubimyja biełaruskija pieśni Ihnata Bujnickaha, što byli ŭ repiertuary jaho teatralnaj trupy.

Adzinaje zasmučeńnie — pieryjadyčna, raz na 2-3 hady, pryjazdžajučy ŭ Prazaroki, bačyš, jak šykoŭnaje i viadomaje niekali miastečka pastupova pieratvarajecca ŭ nieprykmietny ahraharadok.

Paśpilvali viekavyja jasieni i klony. Niejak stała pusta i niaŭtulna. A samaje hałoŭnaje, paznosili šmat cikavych miestačkovych budynkaŭ. Hadoŭ dziesiać tamu ja prajšoŭsia ad kaścioła pa Centralnaj vulicy — kiłamietry paŭtara — až da čyhunačnaha prypynku «Palevačy». To ŭsia vulica ŭjaŭlała teatralnuju sceničnuju placoŭku časoŭ Ihnata Bujnickaha. Ciapier tut stajać typovyja, ź biełaj cehły, «ahraharadkovyja» damki. I stała «krasiva»!

Darečy, u Prazarokach — 6 vulicaŭ i nivodnaj savieckaj nazvy:

Litoŭskaja, Połackaja, Aptečnaja, Centralnaja, Vakzalnaja, Sadovaja.

Uskładańnie kvietak da pomnika Ihnatu Bujnickamu.

Uskładańnie kvietak da pomnika Ihnatu Bujnickamu.

Uračystaje adkryćcio śviata ŭ prazarockim Domie kultury. Pačynaje jaho «sam» Ihnat Bujnicki.

Uračystaje adkryćcio śviata ŭ prazarockim Domie kultury. Pačynaje jaho «sam» Ihnat Bujnicki.

Pan Bykoŭski i panienki.

Pan Bykoŭski i panienki.

«Pjany» Krynicki z Alžbetaj praryvajucca na scenu.

«Pjany» Krynicki z Alžbetaj praryvajucca na scenu.

Vital Voranaŭ (Hłybokaje) uziaŭsia za adradžeńnie dudarskich tradycyj na Hłyboččynie. Dudar byŭ i ŭ trupie Bujnickaha.

Vital Voranaŭ (Hłybokaje) uziaŭsia za adradžeńnie dudarskich tradycyj na Hłyboččynie. Dudar byŭ i ŭ trupie Bujnickaha.

Tancy z repiertuaru trupy Ihnata Bujnickaha.

Tancy z repiertuaru trupy Ihnata Bujnickaha.

Vielmi vysokaha ŭzroŭniu vystupy artystaŭ sa stalicy rajona — Hłybokaha.

Vielmi vysokaha ŭzroŭniu vystupy artystaŭ sa stalicy rajona — Hłybokaha.

«Dukat» — dziaržaŭnaja krama.

«Dukat» — dziaržaŭnaja krama.

«Taler» — pryvatnaja krama.

«Taler» — pryvatnaja krama.

Baciany na kryžy frantona kaścioła Uniebaŭziaćcia Najśviaciejšaj Panny Maryi (1909).

Baciany na kryžy frantona kaścioła Uniebaŭziaćcia Najśviaciejšaj Panny Maryi (1909).

Amal ničoha nie zastałosia ad starych Prazarok časoŭ Ihnata Bujnickaha! Adzinkavyja budynki. Hety dom cikavy tym, što składajecca z troch častak: žyłoj, kramy i składa. Naležaŭ miascovamu jaŭreju-«kapitalistu».

Amal ničoha nie zastałosia ad starych Prazarok časoŭ Ihnata Bujnickaha! Adzinkavyja budynki. Hety dom cikavy tym, što składajecca z troch častak: žyłoj, kramy i składa. Naležaŭ miascovamu jaŭreju-«kapitalistu».

Praz Prazaroki prachodzić lehiendarny Alhierdaŭ Šlach — staraja daroha ź Vilni na Połack. Zachavaŭsia adrezak brukavanki ad Prazarok da Ziabak. Nijakaha ruchu aŭtatranspartu niama, chiba tolki padčas siaŭby i žniva. Ravarysty-vandroŭniki Biahoml—Połack.

Praz Prazaroki prachodzić lehiendarny Alhierdaŭ Šlach — staraja daroha ź Vilni na Połack. Zachavaŭsia adrezak brukavanki ad Prazarok da Ziabak. Nijakaha ruchu aŭtatranspartu niama, chiba tolki padčas siaŭby i žniva. Ravarysty-vandroŭniki Biahoml—Połack.

Pietrapaŭłaŭskaja carkva (1909) staić zboč Alhierdava Šlachu. Čynny ŭdzieł u budovie carkvy ŭziaŭ katalik Ihnat Bujnicki.

Pietrapaŭłaŭskaja carkva (1909) staić zboč Alhierdava Šlachu. Čynny ŭdzieł u budovie carkvy ŭziaŭ katalik Ihnat Bujnicki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?