Paśla intervju Barysa Kruka MK ŭžo padniałasia niejkaja kampanija ŭ padtrymku mianie i ŭ asudžeńnie jaho. U mianie da Barysa niama nijakich pretenzij, i ja nie razumieju, čamu jany pavinny być u inšych. Ja vydatna razumieŭ, kali prymaŭ u lipieni 2014 hoda abaronu Nadziei Saŭčanka, što heta moža dastavić niepryjemnaści «Što? Dzie? Kali?», jakaja vychodzić na pieršym kanale. Pieršaje, što ja zrabiŭ, padpisaŭšy pahadnieńnie ab abaronie — patelefanavaŭ pradziusaram i skazaŭ, što razumieju ich ciažkaści i ŭ luby momant sydu.

Pieršyja paŭtara hoda heta jašče nie było prablemaj, ale viasnoj 2016, kali praces Saŭčanka vyjšaŭ na finišnuju pramuju, rabić vyhlad, što ŭsio heta nie maje dačynieńnia da palityki, stała ŭžo niemahčyma. Maje advakackija abaviazki, jak ja ich razumieju, nie dazvalali źmienšyć abaroty, u tym liku ŭ kamientarach presie. Ja tady štodzień havaryŭ u intervju, što meta majoj pracy — dapamahčy Ukrainie arhanizavać nacisk na Pucina, a dla hetaha treba pakazać, što jon i jaho padnačalenyja ŭboha chłusiać.

Barys mianie papiaredžvaŭ, što čym bolš ja takoha kažu, tym składaniej jamu mianie adstojvać. I što mnie treba vyznačycca z pryjarytetami. Ale ja ź imi daŭno vyznačyŭsia. Maja advakackaja praca i kankretna na toj momant sprava Saŭčanka dla mianie važniejšaja za ŭsio. Havaryć publična ludziam nakštałt śpikiera MZS Zacharavaj abo śpikiera SKR Markina, što ličyš ich bł*** — taksama važna. U maralnym vymiareńni (nu i jašče bonusam ciešyć majo skažonaje pačućcio humaru ich reakcyja i reakcyja im padobnych). Hulać u televiktarynu mienš važna.

Adzinaje, pra što ja raniej nie kazaŭ, i što varta skazać, kali ŭžo hetuju temu stali abmiarkoŭvać publična. Maja kamanda pavinna była hulać u viasnovaj sieryi ŭ sakaviku 2016 hoda, ale jany admovilisia sadzicca za stoł bieź mianie. Heta mianie vielmi kranuła. Dziakuj, Aleś, Jula, Hiuniel, Hryša i Stas. Barysu varta było b znajści sposab viarnuć ich jak maha chutčej.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?