Nie tak daŭno stała viadoma pra namier Rasii raźmiaścić vajskovy kantynhient kala samych miežaŭ Biełarusi — u dadzieny momant viadziecca padrychtoŭka da razhortvańnia motastrałkovaj bryhady ŭ Klincach (40 km ad biełaruskaj hranicy) i motastrałkovaj dyvizii ŭ Jelni (90 km ad biełaruskaj hranicy).

U paviedamleńni ŭkrainskich vałancioraŭ havorycca, što ŭ publikacyjach rasijskich dziaržaŭnych sajtaŭ źjaviŭsia hienieralny płan bazy ŭ Klincach.

«Praz analiz i paraŭnańnie infarmacyi z hienieralnaha płana i infarmacyi sa spadarožnika, vynikaje:

— zapłanavanaja rekanstrukcyja troch starych budynkaŭ dla arhanizacyi internatu vajskoŭcaŭ i budaŭnictva błočna-modulnaha budynku, raźličanaha na ahulnuju kolkaść 1900 čał;

— zapłanavanaje budaŭnictva navučalnaha korpusa i straŭni, rekanstrukcyja budynka štaba;

— zapłanavanaja rekanstrukcyja dvuch składoŭ vajskova-techničnaj majomaści;

— zapłanavanaje stvareńnie bazy dla zachoŭvańnia vajskovaj techniki i uzbrajeńnia na 470 miescaŭ.

— zapłanavanaje budaŭnictva trenirovačnych pabudovaŭ», — piša InformNapalm u kamientarach da dałučanaha płana.

U poŭnym razroźnieńni karcinku možna hlanuć tut.

Taksama pryvodzicca fotazdymak, jaki pakazvaje, na jakoj stadyi siońnia budaŭnictva infrastuktury ŭ Klincach.

Fota «Śpiecbud»  

Fota «Śpiecbud»

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?