Džoj
Žanr: drama, kamiedyja
Režysior: Devid O. Raseł
U rolach: Dženifier Łoŭrens, Robiert De Nira, Bredli Kupier, Edhar Ramires, Dajan Łed, Virdžynija Medsan, Izabeła Rasielini
ZŠA, 124 chv.
Adznaka: 8
Z malenstva Džoj maryła stvarać niezvyčajnyja i karysnyja rečy, adnak jaje darosłaje žyćcio skłałasia inakš. Jana žyvie ŭ starym domie razam z dvuma dziećmi, byłym mužam, maci i baćkam, jaki viadzie svoj nieprybytkovy biznes. Jana ŭsia ŭ daŭhach, dom zakładzieny, a ciapier Džoj vymušanaja jašče i kinuć pracu. Ale jana biare siabie ŭ ruki i vynachodzić samavyciskalnuju supieršvabru. Jana hatovaja prykłaści ŭsie namahańni, kab prabicca ŭ žorstki śviet biznesu.
U asnovie siužeta lažyć realnaja historyja vynachodnicy Džoj Manhana. Amierykanka italjanskaha pachodžańnia z mocnaj dziełavoj chvatkaj atrymała viadomaść dziakujučy svaim cuda-švabram i viešałkam.
Manhana źjaŭlajecca prezidentam kampanii Ingenious Designs. Jana rehularna źjaŭlajecca ŭ tielekramie na kanale HSN.
U vyniku Džoj zapatentavała bolš za sto vynachodnictvaŭ, ale ŭ filmie pakazany pačatak jaje niaprostaha šlachu da pośpiechu.
Vymušanaja ŭtrymlivać usiu siamju, Džoj na krai adčaju źviartajecca da svajho daru. Jaje vynachodnictvy nie majuć hłabalnaha charaktaru — heta prostyja pobytavyja rečy, karysnyja dla chatniaj haspadarki. Trahizm situacyi vyjaŭlajecca ŭ tym, što blizkija i rodnyja ludzi, jakija pavinny padtrymlivać u składanaj situacyi, nie tolki nie dapamahajuć Džoj, ale i stvarajuć novyja prablemy.
Rolu vynachodnicy vykanała Dženifier Łoŭrens (franšyza «Hałodnyja hulni»). Cikava, što taja samaja supieršvabra była vynajdzienaja Džoj u 1990. U hetym ža hodzie naradziłasia Dženifier Łoŭrens. Na rolu muža Džoj byŭ uziaty Bredli Kupier.
Režysioram stužki staŭ Devid Raseł, jaki ŭžo zdymaŭ Bredli Kupiera i Dženifier Łoŭrens u svaich filmach «Moj chłopiec — psich» (2012, «Oskar» za najlepšuju žanočuju rolu), «Afiora pa-amierykansku» (2013). Heta čaćviortaja supolnaja praca akcioraŭ.
Zdymki prachodzili ŭ Bostanie i častkova ŭ Chiejvierchile. U lipieni 2015 dziełavy centr Chiejvierchiła byŭ pieratvorany ŭ Dałas 1980-ch.
Akciorskaja praca Łoŭrens nie zastałasia biez uvahi i vysoka acenienaja kinakrytykami.
Jana atrymała niamała amierykanskich uznaharod. Najpierš heta prestyžny «Załaty hłobus» za najlepšuju žanočuju rolu (kamiedyja ci miuzikł), a taksama naminacyja na «Oskar-2016».
