Niahledziačy na toje, što Biełaruś – placoŭka dla zdymkaŭ rasiejskich sieryjałaŭ i tannych filmaŭ-błokbasteraŭ, režysiory nacyjanalnaj kinastudyi stvarajuć animacyju vysokaha ŭzroŭniu, jakaja nieadnarazova pieramahała na šmat jakich mižnarodnych fiestyvalach.
Štohod «Biełaruśfilm» vypuskaje 8–10 prac. Za 44 hady isnavańnia studyi było źniata bolš za 170 multfilmaŭ dla dziaciej i darosłych.
Animacyju na «Biełaruśfilmie» pačali zdymać u 1972 hodzie. «Niaŭdačnik» Uładzimira Holikava raspaviadaje pra chłopčyka, u jakoha niama času na navučańnie, bo jon uvieś svoj čas addaje dresiravańniu žyvioł.
Na kaniec 1980-ch hadoŭ prypadaje roskvit biełaruskaj animacyi.
Malavanyja i lalečnyja filmy zamianiajucca multfilmami-kałažami, a paźniej kampjutarnaj animacyjaj. Režysiory ekśpierymientujuć nie tolki z formaj, ale i źmiestam.
Usio bolš uvahi nadajecca nacyjanalnym matyvam, biełaruskaj movie, kultury i historyi. Animatary madernizujuć mifałohiju i falkłor, vykarystoŭvajučy ŭ svaich stužkach sučasnyja vobrazy. Źjaŭlajucca ekranizacyi narodnych kazak, lehiendaŭ i bajek.
Najbolš viadomyja – «Apovieść minułych hadoŭ», «Vycinanki-prymaŭki» i «Pryhody Nieścierki».
Vašaj uvazie – Top-5 animacyjnych filmaŭ studyi «Biełaruśfilm», pra jakija vy mahli nie viedać, ale jakija varta pahladzieć.
