Pavodle vynikaŭ «hałasavańnia», pieršaje miesca addali Alaksandru Ivanovu. Jaho sceničnaje imia — Ivan, treba čytać «Ajvan».
Siońnia na telekanale «Biełaruś-1» i «Biełaruś-24» prajšła tranślacyja ź finału biełaruskaha adboru na Jeŭrabačańnie. Kožny biełarus zmoh prahałasavać, dasłaŭšy paradkavy numar udzielnika praz SMS abo patelefanavaŭšy. Kanał zajaŭlaŭ, što ŭpieršyniu pieramožcu vybirali hledačy, biez udzieł žury. Praŭda, u minułym vyjaŭlałasia, što na BT hałasy nasamreč nie ličać, a pišuć patrebnyja kamuści ličby.
Takim, čynam…
Na «Jeŭrabačańnie» jedzie prajekt pradziusara Viktara Drobyša, jaki niadaŭna atrymaŭ orden Skaryny ad Alaksandra Łukašenki.
Alaksandr naradziŭsia ŭ Homieli. Prasłaviŭsia svajoj tvorčaściu ŭ Rasii na telešou «Hałoŭnaja scena». Tady ž jon paznajomiŭsia z rasijskim pradziusaram Viktaram Drobyšam, jaki dapamoh jamu raźvivacca.
Letaś kamanda Drobyša prapanavała Ivanu paŭdzielničać u Jeŭrabačańni. Viktar Drobyš napisaŭ dla jaho pieśniu «Help you fly». Sam Alaksandr ličyć pieśniu nie prosta trekam, a baładaj. U hetym jon bačyć naradžeńnie jaho novaha vobrazu.
Pavodle vynikaŭ «hałasavańnia» Ivanova, ci, jak jaho nazyvajuć, Ivan-a — treba čytać «Ajvana», pastavili na pieršaje miesca. Druhoje addali z malusieńkim adryvam hurtu «Napoli». Na trecim miescy — Jermakoŭ Kiryła. A čaćviortaje ź dziesiaci addali hurtu Navi — z adzinaj biełaruskamoŭnaj pieśniaj na adbory.