Ruch «Za Svabodu» źviarnuŭsia da Partyi BNF, Ab`iadnanaj hramadzianskaj partyi (AHP) i arhkamiteta pa stvareńni partyi «Biełaruskaja chryścijanskaja demakratyja» (BCHD) z prapanovaj stvaryć žanočy pravacentryscki forum. 

Inicyjataram vystupiła namieśnica staršyni ruchu «Za Svabodu» Halina Skarachod, paviedamlaje sajt pyx.by. Na jaje dumku, sumiesnaja praca pačałasia padčas parłamienckich vybaraŭ 2012 hoda ŭ miežach kampanii «Žančyny suprać falsifikacyjaŭ», jakuju inicyjavaŭ «Za Svabodu» pry padtrymcy AHP. Ź ciaham času da jaje dałučylisia pradstaŭnicy Partyi BNF, arhkamiteta BCHD, Biełaruskaj sacyjał-demakratyčnaj partyi (Hramada) i Biełaruskaj partyi levych «Spraviadlivy śviet». 

U miežach žanočaha pravacentrysckaha forumu jość nadzieja «na pahłyblenuju supracu ŭ miežach kaalicyi i šyrokaje supracoŭnictva ź levymi partyjami i ruchami», ličyć Skarachod, prapanovu jakoj padtrymała Rada ruchu. 

Na budučych parłamienckich vybarach ruch «Za Svabodu» moža ŭ tym liku prapanavać pracu z žančynami-vybarščycami ŭ padtrymku kandydataŭ-žančyn u miežach kampanii «Žančyny za pieramieny». «Hiendarnaja roŭnaść — adna z bazavych čałaviečych kaštoŭnaściaŭ, jakaja jość indykataram harmaničnaha raźvićcia hramadstva, — adznačajecca ŭ zvarocie da pravacentrysckich partyj. — U raźvitych demakratyčnych krainach stvoranyja roŭnyja mahčymaści dla mužčynaŭ i žančynaŭ udzielničać u palityčnym žyćci i spraviadlivyja ŭmovy dla adkrytaha supiernictva». 

«Sumiesnaja praca budzie najbolš spryjać aktyŭnamu adstojvańniu žančynami svaich pravoŭ, farmiravańniu pryvabnaha imidžu žančyny-palityka i hramadskaha lidara», — ličać pradstaŭniki ruchu «Za Svabodu». 

Pahadnieńnie ab stvareńni pravacentrysckaj kaalicyi było padpisanaje 9—11 śniežnia minułaha hoda ŭ Brusieli lidarami ruchu «Za Svabodu», AHP i arhkamiteta BCHD.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?