Alivija — samaja niezvyčajnaja dziaŭčynka ŭ śviecie. Fota: facebook.com/niki.trepakfarnsworth

Alivija — samaja niezvyčajnaja dziaŭčynka ŭ śviecie. Fota: facebook.com/niki.trepakfarnsworth

U Alivii Farnsvort ź Vialikabrytanii redkaje hienietyčnaje rasstrojstva, jakoje pieratvaryła jaje ŭ realnaha hieroja komiksaŭ.

U Vialikabrytanii žyvie ŭnikalnaja dziaŭčynka, jakaja ničym nie adroźnivajecca ad niekatorych hierojaŭ komiksaŭ. U siamihadovaj Alivii Farnsvort jość sapraŭdnyja supierzdolnaści. Daktary navat prazvali jaje «bijonika».

Sprava ŭ tym, što dziaŭčynka z samaha naradžeńnia nie adčuvaje bolu, nikoli nie stamlajecca, nie viedaje strachu i nie adčuvaje hoładu. Alivija vałodaje redkim rasstrojstvam chramasom, jakoje raniej lekary nikoli nie sustrakali. Miedyki miarkujuć, što vypadak bijonika — unikalny. Pra heta paviedamiła vydańnie Examiner.

Baćki zapadozryli niadobraje, kali adnojčy Aliviju źbiła mašyna, a jana ŭstała i pajšła dadomu nie puściŭšy ni ślazinki. Niejak dziaŭčynka navat nie spała try dni i pry hetym nie adčuvała siabie drenna.

U vyniku jany adviali jaje da lekaraŭ. A tyja i zusim razhubilisia. U jaje adsutničaje šostaja chramasoma, adnak bijonika vałodaje i šeraham inšych niezvyčajnych zdolnaściaŭ.

Pa słovach mamy, u Alivii niama adčuvańnia strachu. Moža być, z-za taho, što dačka nie viedaje, što takoje bol.

Ale heta adnačasova i vialikaja prablema. Siamihadovaja brytanka moža dniami chadzić hałodnaj, nie spać abo złamać sabie nohi, saskočyŭšy z zanadta vialikaj vyšyni. Ale jana pra heta navat nie budzie viedać. Taksama Alivija pakutuje prystupami lutaści. Baćkam davodzicca staranna apiekavać dačku.

Клас
0
Панылы сорам
0
Ха-ха
0
Ого
0
Сумна
0
Абуральна
0