Pieršy tankier z naftaj z ZŠA prybyŭ u Jeŭropu, paśla taho jak byli źniatyja abmiežavańni na ekspart paliva sa Złučanych Štataŭ Amieryki.

Pra heta paviedamlaje RBK sa spasyłkaj na The Financial Times.

Vitol, najbujniejšy ŭ śviecie niezaležny naftatrejdar, jak čakajecca, praviadzie razhruzki ŭ porcie kala Marsela. Adtul nafta budzie pastupać pa naftapravodzie ŭ adzin z dvuch zavodaŭ sumiesnaha pradpryjemstva, arhanizavanaha Vitol i Carlyle Group.

Na dumku krynic FT, chutčej za ŭsio, havorka idzie pra zavodzie Cressier u Šviejcaryi. Adnak taksama jość vierahodnaść, što paliva budzie pastaŭlacca na zavod Varo ŭ Bavaryi.

Jak viadoma, zabarona na ekspart amierykanskaj nafty była źniataja 19 śniežnia, kali prezident ZŠA Barak Abama padpisaŭ prajekt biudžetu na 2016 hod, jaki praduhledžvaje admienu embarha.

Adnaŭleńnie ZŠA pastavak paliva pačałosia na fonie rezkaha padzieńnia koštaŭ na jaho. U chodzie tarhoŭ 20 śniežania košt fjučarsaŭ na naftu marki Brent z pastaŭkaj u sakaviku 2016 apuskaŭsia da 27,79 dalara.

Клас
0
Панылы сорам
0
Ха-ха
0
Ого
0
Сумна
0
Абуральна
0