U Kišyniovie prychilniki jak prarasiejskich partyj (sacyjalistaŭ i «našystaŭ»), tak i prajeŭrapiejskaj hramadzianskaj płatformy DA šturmujuć budynak parłamienta, paviedamlaje Newsmaker. U prateście brała ŭdzieł tysiača čałaviek, im udałosia adcisnuć niaŭzbrojenuju palicyju.
newsmaker.md
Ludzi atačyli budynak i prarvali niekalki palicejskich kardonaŭ. Adnak unutry ich taksama sustreli palicejskija.
Pačalisia bojki z palicyjaj. Paviedamlajecca pra vykarystańnie dymavych šašak.
moldova.org
Nahadajem, Małdova zastałasia biez urada 29 kastryčnika minułaha hoda. Tady byŭ adpraŭleny ŭ adstaŭku kabiniet ministraŭ i vice-staršynia Libieralna-demakratyčnaj partyi (ŁDP) Valeryj Stralec, jaki ŭznačalvaŭ jaho. Paśla hetaha mitynhi ŭ Kišyniovie prachodzili rehularna.
Siońnia parłamient Małdovy padtrymaŭ kandydaturu pradstaŭnika Demakratyčnaj partyi Paŭła Filipa na pasadu premjer-ministra krainy.
Kateharyčna suprać Filipa vystupili frakcyi sacyjalistaŭ Ihara Dadona i kamunistaŭ Uładzimira Varonina. Taksama suprać vystupiŭ šerah libierał-demakrataŭ i niekalki niezaležnych deputataŭ.
Pratestoŭcy, što akružyli parłamient, ličać zaćviardžeńnie kabinieta Filipa niezakonnym. Jany patrabujuć rospusku parłamienta i abviaščeńnia daterminovych vybaraŭ.
