Kali raniej karystalniki nieśli adkaznaść tolki za raspaŭsiud nielicenzijnych fajłaŭ, to ciapier adkaznaść budzie nastupać i za «zachoŭvańnie z metaj raspaŭsiudu».

TASS

TASS

U biełaruski Kodeks administracyjnych pravaparušeńniaŭ uniesienyja źmieny što da parušeńniaŭ aŭtarskaha prava, jakija nabuduć siłu 4 krasavika.

Pavodle novaj redakcyi artykuła 9.21 Administracyjnaha kodeksu, karajucca nia tolki niezakonny raspaŭsiud i niezakonnaje vykarystańnie abjektaŭ intelektualnaj ułasnaści, ale i «prysvajeńnie aŭtarskaha prava albo prymus da suaŭtarstva». Upieršyniu ŭ biełaruskim zakanadaŭstvie ŭvodzicca adkaznaść za «zachoŭvańnie z metaj raspaŭsiudu kantrafaktnych asobnikaŭ tvoraŭ, zapisanych vykanańniaŭ, fanahramaŭ, pieradačaŭ arhanizacyjaŭ efirnaha i kabelnaha viaščańnia».

Minimalny štraf za niezakonny raspaŭsiud i niezakonnaje vykarystańnie abjektaŭ aŭtarskaha prava i sumiežnych pravoŭ ci abjektaŭ prava dla jurydyčnych asobaŭ składzie 100 bazavych vieličyniaŭ, dla fizyčnych — 30, albo 21 miljon i 6,3 młn adpaviedna.

Pytańnie pra toje, što buduć ličyć «zachoŭvańniem z metaj raspaŭsiudu» zastaniecca adkrytym da pieršych užyvańniaŭ artykuła, to bok da pieršych pakarańniaŭ.

Z farmuloŭki nie zrazumieła, ci budzie zachoŭvańnie fajłaŭ pry najaŭnaści dostupu ŭ internet (to bok da srodku raspaŭsiudu) ličycca zachoŭvańniem «z metaj», ci zachoŭvańnie buduć pryznavać «z metaj raspaŭsiudu» pry najaŭnaści prynamsi adnaho raspaŭsiudžanaha niezakonna fajła, ci pry masavym raspaŭsiudzie šerahu tvoraŭ.

Ź nievyraznaj farmuloŭki, kali da jaje nia budzie padzakonnych udakładnieńniaŭ, možna vyvieści administracyjnuju adkaznaść navat za «łajk» pad niezakonna raspaŭsiudžanym fajłam (jak ciapier karajecca «łajk» pad porna-videa).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?