Małady hamialčuk vychoŭvaje lisiania ŭ haradskoj kvatery. Maleńki drapiežnik trapiŭ da chłopca vypadkova.

Alaksiej Duškievič źbiraŭsia naviedać Harodniu ŭ jakaści turysta. A «Haradzienski zaapark» byŭ adnym z abjektaŭ zapłanavanaj vandroŭki. Pierad padarožžam junak pračytaŭ na internet-staroncy zaaparka, što pry žadańni mahčyma stać haspadarom lisianiaci.

– Ja zajšoŭ niejak na sajt zaaparka. Adkryŭ raździeł «Krama», u jakim ubačyŭ abviestku pra prodaž lisianiaci. Kali ja heta pračytaŭ, u mianie zaniało movu ad zachapleńnia, bo lisa — moj samy ŭlubiony źvier ź dziacinstva. Kali ŭžo sprava dajšła da afarmleńnia dakumientaŭ, ja nie vieryŭ svajmu ščaściu. Pamiataju, jak kazaŭ supracoŭnikam zaaparku: «Pahladzicie, jakaja jana ŭsio-taki pryhožaja i kłasnaja». A jany mnie ŭ adkaz: «Bačym, što kłasnaja».

10-miesiacovaja Nikol – tak nazvaŭ svaju lubimicu chłopiec — amal adaptavałasia da ŭmovaŭ haradskoj kvatery. Choć čas ad času ŭ kantaktach čałavieka i drapiežnika zdarajucca kurjozy.

– Nikol nie lubić zastavacca adna. Kali jaje ihnaravać niejki čas, to jana moža adpomścić. Časam pierahryzaje draty ad techniki. A ŭvohule jana lubić skakać pa mebli.

Alaksiej Duškievič rekamienduje patencyjnym haspadaram lisianiataŭ raźvivać u sabie ciarpieńnie, pakolki praces vychavańnia źviera dastatkova składany z-za hareźlivaha charaktaru. Karmić lisiania rekamiendujecca kašami i varanym miasam, bo syroje miasa z kryvioj moža abudzić u drapiežniku źviarynyja instynkty.

Supracoŭniki zaaparku na internet-staroncy «Haradzienskaha zaaparku» infarmujuć, što prypłod lisianiataŭ pradajecca ŭletku. Usie achvočyja stać haspadarami pryhožych drapiežnikaŭ pavinny braniravać budučych hadavancaŭ zahadzia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?