Kiraŭnictva maskoŭskaj palicyi pravodzić pravierku ŭ suviazi sa źjaŭleńniem u ŚMI infarmacyi pra aficera DIBDR, jaki zatrymaŭ aŭtamabil chutkaj dapamohi z hrudnym dziciem dziela taho, kab prapuścić kartež čynoŭnika.
Videa incydentu šyroka razyšłosia pa sacsietkach, u pryvatnaści, paśla publikacyi ŭ błohu apazicyjaniera Alaksieja Navalnaha.
Videa źniaŭ kiroŭca, jaki stajaŭ u zatory ŭ čakańni kartežu. Z zapisanaj im razmovy z daktarami chutkaj vynikaje, što ŭ mašynie znachodziłasia hrudnoje dzicia. Śpiecaŭtamabil stajaŭ z uklučanymi probliskavymi majačkami i sirenaj. Niahledziačy na heta, supracoŭnik DPS paviarnuŭsia da chutkaj śpinoj i praciahnuŭ čakać kartež. Pry źjaŭleńni karteža ź piaci aŭtamabilaŭ palicejski addaje vajskovaje vitańnie.
