Pravaabaroncy «Siryjskaj absiervatoryi pa pravach čałavieka», jakaja mieścicca ŭ Vialikabrytanii, paviedamili, što 16 studzienia bajeviki Isłamskaj dziaržavy zabili dziasiatki ludziej u horadzie Dejr-az-Zor na ŭschodzie Siryi.

Pavodle źviestak pravaabaroncaŭ, bajeviki napali na dva kvartały ŭ kantralavanym pieravažna ŭradavymi siłami horadzie. Jany zabivali jak uzbrojenych prychilnikaŭ prezidenta Siryi Bašara Asada, tak i členaŭ ich siemjaŭ.

Pavodle paviedamleńniaŭ ź inšych krynic, usiaho ŭ vyniku ataki zahinuli 135 čałaviek, siarod jakich dziasiatki cyvilnych.

Hrupoŭka «Isłamskaja dziaržava» kantraluje bolšuju častku pravincyi Dejr-az-Zor, adnak urad maje ŭładu ŭ niekalkich rajonach hałoŭnaha horada pravincyi, a taksama zachoŭvaje kantrol nad vajskovym aeradromam.

Клас
0
Панылы сорам
0
Ха-ха
0
Ого
0
Сумна
0
Абуральна
0