Haradskaja prakuratura Kiolna abviaściła ŭznaharodu ŭ 10 tysiač jeŭra za lubuju infarmacyju, jakaja pryviadzie da apaznańnia abo zatrymańnia vinavatych u napadach na žančyn, jakija adbylisia ŭ horadzie ŭ navahodniuju noč.

Jak zajaviŭ aficyjny pradstaŭnik prakuratury, u palicyju było padadziena 652 zajavy, ź ich 331 tyčycca napadaŭ na seksualnaj hlebie, u dvuch vypadkach havorka idzie pra zhvałtavańnie. U bolšaści vypadkaŭ, pa słovach achviar, na ich napadali mužčyny «arabskaj i paŭnočnaafrykanskaj» źniešnaści, skazaŭ pradstaŭnik prakuratury

Abvinavačvańni na dadzieny momant pradjaŭlenyja 13 mužčynam.

Ministr unutranych spraŭ fiederalnaj ziamli Paŭnočny Rejn-Viestfalija Ralf Jehier, adkazny za rasśledavańnie napadaŭ, zajaviŭ, što praktyčna ŭsie padazravanyja ŭ ich ździajśnieńni — vychadcy z Paŭnočnaj Afryki i arabskich krain, jakija niadaŭna imihravali ŭ Hiermaniju, u asnoŭnym u jakaści biežancaŭ i nielehalnych mihrantaŭ.

Ralf Jehier taksama abvinavaciŭ palicyju Kiolna ŭ ździajśnieńni surjoznych promachaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?