Brytanski ŭrad na hetym tydni ŭchvalić zakonaprajekt ab mahčymaści pierasadki čałavieku donarskich orhanaŭ, vyraščanych u ciełach aviečak i śviniej, piša The Telegraph. Adnak aficyjnaha paćvierdžańnia hetych dadzienych pakul niama.

Kali słušnaść dadzienaj technałohii budzie dakazanaja, mietodyka budzie ŭchvalenaja. Paśla hetaha Vielikabrytanija stanie pieršaj u śviecie krainaj, dzie padtrymajuć novy sposab pierasadki orhanaŭ, jaki ŭ budučyni daść mahčymaść značna palepšyć situacyju ź niedachopam donarskich orhanaŭ

Zhodna z zakanadaŭstvam, žyvioł z «čałaviečymi» orhanami buduć nazyvać chimierami.

Ministerstva ŭnutranych spraŭ płanuje ŭ bližejšy čas apublikavać pieršuju instrukcyju ab abychodžańni z chimierami. Pavodle dadzienych The Telegraph, śfiera vyroščvańnia orhanaŭ budzie žorstka rehłamientavanaja. Pierasadki vyraščanych orhanaŭ čałavieku buduć dazvolenyja, «kali vyhady pieravažać škodu».

Z-za stareńnia nasielnictva, a taksama raspaŭsiudžvańnia atłuścieńnia siarod brytancaŭ u apošni čas donarskija orhany stanoviacca ŭsio mienš prydatnymi dla vykarystańnia. Da taho ž, pavodle zakonaŭ, svajaki paśla śmierci čałavieka mohuć admović pierasadžvać jaho orhany, navat kali sam jon raniej heta dazvoliŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?