Ułady Hambii zabaranili žančynam-dziaržsłužačym znachodzicca na pracy biez hałaŭnoha ŭboru. U dakumiencie, što trapiŭ u rasparadžeńnie miascovaj presy, ułady krainy zahadvajuć žančynam «akuratna prykryvać svaje vałasy z dapamohaj nakidki».

Pryčyna zabarony na znachodžańnie na pracy ź niepakrytaj hałavoj u dakumiencie nie paznačajecca.

U śniežni prezident Jaja Džame, jaki kirujuje krainaj z 1996 hoda, abviaściŭ Hambiju isłamskaj dziaržavaj. Kala 90% žycharoŭ krainy — musulmanie.

Abviaščajučy pra svajo rašeńnie, Džame zajaviŭ, što jano adpaviadaje «relihijnaj identyčnaści i kaštoŭnaściam» zachodnieafrykanskich nacyj.

Krytyki prezidenta zajaŭlali, što rašeńnie ŭvieści ŭ Hambii aficyjnuju relihiju zaklikanaje adciahnuć hramadzian ad ekanamičnych prablem: apošnim časam u krainie mocna rastuć ceny.

Abviaščajučy ab novaj aficyjnaj relihii, prezident abmoviŭsia, što ŭ krainie nie budzie ŭviedzieny dres-kod, a paśladoŭniki inšych kanfiesij zmohuć svabodna praktykavać svaju relihiju.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?