cbs46.com

cbs46.com

U amierykanskim štacie Džordžyja niedaloka ad Atłanty (kala Dekatura za 10 milaŭ na paŭdniovy ŭschod) u mateli Rite4us Inn & Suites Hotel zachapili ŭ zakładniki 11 dziaciej i žančynu, pieradaje NBC News.

Jak miarkujecca, zakładnikaŭ utrymlivaje adzin mužčyna. Adznačajecca, što ŭ zakładnikach znachodziacca dzieci va ŭzroście ad 3 miesiacaŭ da 17 hadoŭ. Zachoplenaj žančynie ŭdałosia patelefanavać 911.

Na miescy pracuje śpiecnaz, palicyja i ratavalniki.

Palicejskija, jakija akružyli hatel, kažuć, što čałaviek, jaki zachapiŭ zakładnikaŭ, admaŭlajecca syści, vyklikaŭšy aściarohi z nahody biaśpieki niekalkich dziaciej u budynku.

Jak paviedamlaje BBC, šturm matela nie spatrebiŭsia. Padčas pieramovaŭ padazravany pa nieŭstanoŭlenaj pryčynie pasprabavaŭ pierarezać sabie horła. Mužčyna špitalizavany ŭ vielmi ciažkim stanie. Nichto z 12 zakładnikaŭ u vyniku nie paciarpieŭ.

Jak pišuć miascovyja ŚMI, pryčynaj incydentu staŭ niejki kanflikt pamiž mužčynam i jaho znajomaj. Paviedamlajecca, što uziataja ŭ zakładniki žančyna nie prychodziłasia dzieciam maci, a prosta pryhladała za imi. Pryčyna jaje svarki z padazravanym pakul nie vyśvietlenaja.

Клас
0
Панылы сорам
0
Ха-ха
0
Ого
0
Сумна
0
Абуральна
0