Zamiena tradycyjnaha vinšavańnia Merry Christmas — Ščaślivaha Rastva — na inšyja śvieckija varyjanty, jakaja ciapier adbyvajecca ŭ ZŠA, — heta trahiedyja dla amierykancaŭ, zajaviŭ u intervju Mitrapalit Minski i Zasłaŭski Pavieł, Patryjaršy Ekzarch usioj Biełarusi.

«Siońnia Amieryka nastupaje na tyja ž hrabli, što i Saviecki Sajuz, dzie sprabavali ludziej adviarnuć ad Boha. Vynik usim nam viadomy», — skazaŭ mitrapalit.

Ekzarch adznačyŭ, što padčas svajho słužeńnia ŭ ZŠA ŭ 1992-1999 hadach jon naziraŭ, jak słohan Merry Christmas pastupova vyciaśniaŭsia z publičnaha žyćcia, u tym liku pad ciskam seks-mienšaściaŭ.

«Zastałasia tolki abhortka ad cukierki, a samaj cukierki ŭžo nie isnuje. Byccam by ŭ ich svaboda, ale Boha ž tam niama. Što ja mahu skazać pra ich libieralnyja kaštoŭnaści? Razam z vadoj vypluchnuli niemaŭla. Niama ničoha ŭžo tam chryścijanskaha. Ale ž kaliści Amieryka sapraŭdy słaviłasia svaim chryścijanskim śvietapohladam», — padkreśliŭ ijerarch.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?