Alaksandr Łukašenka siońnia ŭ čas dakłada ab situacyi ŭ AAT «Kamvol» vykazaŭ abureńnie sprobaj ašukanstva na pradpryjemstvie.

Jon rastłumačyŭ, čamu napiaredadni vyrašyŭ nie jeździć u AAT «Kamvol» i adznačyŭ, što heta było zroblena naŭmysna.

«Nie pajechaŭ, tamu što ministr pačaŭ zajmacca tam ašukanstvam. I dla taho, kab pakazać na praciahu adnaho-dvuch dzion rabotu pradpryjemstva, sabraŭ usio, što možna, ź ministerstva, z kancerna, źvioz tudy syravinu dla taho, kab na dzień-dva zapuścić mašyny, a paśla adjezdu prezidenta, napeŭna, paśpiachova ich spynić», — skazaŭ Alaksandr Łukašenka.

Byŭ šerah inšych niavyrašanych pytańniaŭ, jakija pavinny byli być vyrašany da vizitu Łukašenki, u tym liku i kadravyja. Alaksandr Łukašenka paabiacaŭ, što jašče naviedaje AAT «Kamvol», pryčym niečakana.

Kiraŭnik dziaržavy dadaŭ, što buduć vyvučany aśpiekty supracoŭnictva z Branskim kamvolnym kambinatam u častcy pieradačy jamu ŭ arendu novaha abstalavańnia AAT «Kamvol».

Alaksandru Łukašenku była pradstaŭlena stratehija raźvićcia pradpryjemstva na kaniec 2015-ha i ŭvieś 2016 hod z paznačeńniem cen i rynkaŭ, kudy AAT maje namier pradavać svaju pradukcyju. Pa vynikach dakłada kiraŭnik dziaržavy pryniaŭ rašeńnie, što na realizacyju inviestycyjnaha prajekta «Kamvolu» budzie vydzielena dadatkovaje finansavańnie pad abarotnyja srodki. Adpaviedny ŭkaz płanujecca padpisać u bližejšyja hady.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?