«Minski kurjer» apublikavaŭ novuju schiemu mietro, jakuju dla mietrapalitena padrychtavała Biełaruskaja asacyjacyja ekśpiertaŭ i siurviejeraŭ na transparcie.

«Asnoŭnyja prablemy aryjentavańnia ŭ padziemcy źviazanyja z tym, što stancyi zadumvalisia roznymi architektarami, kožny ź jakich mieŭ svajo ŭjaŭleńnie ab vizualnaj infarmacyi dla pasažyraŭ, — ličyć staršynia praŭleńnia BAES Juryj Važnik. — Ciapier prymienienaja adzinaja kancepcyja da ŭsich stancyj, zamienieny źmiest pakazalnikaŭ: nazvy abjektaŭ napisanyja na biełaruskaj i anhlijskaj movach».

I kiraŭnictva mietrapalitena inicyjuje novyja rašeńni, jakija dazvalajuć pasažyram chutka vyznačacca, kudy im treba iści. Zrazumieła, što ŭ pasažyraŭ, jakija prybyvajuć i adjazdžajuć, roznyja patreby. Tym, chto pryjechaŭ na stancyju, treba viedać, što raźmieščana na pavierchni. Tym, chto spuściŭsia ŭniz, nieabchodnaja inšaja infarmacyja — jak dabracca da inšaj stancyi, inšaha rajona.

Z ulikam hetaha raspracoŭvajucca prajekty pa dźviuch dziejučych i čatyroch prajektavanych stancyjach mietro. Dziejučyja — heta «Kuncaŭščyna» i «Uručča». Na kožnaj — svaje pieršačarhovyja i druharadnyja abjekty pryciahnieńnia pasažyraŭ.

«Naprykład, pobač sa stancyjaj «Kuncaŭščyna» raźmieščanyja rynak, univiersam, adździaleńnie banka, kaviarnia i inšyja abjekty, — udakładniaje ekśpiert. — My padzialili ich na abaviazkovyja (takija jak rynak, univiersam) i inšyja, jakija mohuć być na pakazalnikach, a mohuć i nie być».

Užo na płatformie pasažyr ubačyć hetyja abaznačeńni, kab adrazu, pa vychadzie ź ciahnika vyznačycca, iści jamu naprava abo naleva. Dalej, u pierachodach i na pavierchni pavinny być sumiaščalnyja pakazalniki i schiemy, jakija dapamohuć dabracca da patrebnych doma, abjekta, prypynku.

Tyja, chto zachodzić na stancyju, ubačać pryncypova novy varyjant schiemy mietrapalitena. U čym jaje navizna?

Pa-pieršaje, dadadzienyja klučavyja abjekty — mikrarajony, haradskaja čyhunka, asnoŭnyja linii naziemnaha transpartu, prylehłyja da padziemki, pa jakich možna dajechać da mikrarajonaŭ. Ich umoŭnyja abaznačeńni taksama nanieśli na schiemu. Ciapier pasažyr bačyć, ź jakoj stancyi ź jakimi pierasadkami možna dabracca ŭ centr, mikrarajony, na vakzały. Pa-druhoje, źmienieny dyzajn, strukturavanyja kolery, a zamiest viertykalnych nazvaŭ stancyj, niazručnych dla čytańnia, zrabili nadpisy pad vuhłom 45°.

Taksama na schiemy naniasuć i inšuju važnuju infarmacyju: abjekty servisu, elektronnyja spasyłki na raskład ruchu transpartu, režym pracy i telefony roznych słužbaŭ mietro. Raźmiaščeńnie schiem dyktujecca realnym ci prahnazavanym patokam pasažyraŭ.

Na «Kuncaŭščynie» takuju schiemu płanujuć raźmiaścić na ściency pasiarod płatformy, pryčym mienavita z boku linii, pa jakoj ciahniki iduć u centr.

Na stancyjach, dzie niama takich ścienak, možna znajści inšyja varyjanty zamacavańnia schiemy — padviesić, pastavić…

Pracujučy nad hetymi zadačami, śpiecyjalisty prapanavali jašče adno rašeńnie.

«Kaliści ŭ Maskvie trapiŭ u niepryjemnuju situacyju: nie zmoh sustrecca z čałaviekam, pakolki my pa-roznamu zrazumieli vychady z padziemki. Jon čakaŭ na adnym, ja na inšym, — uspaminaje Juryj Važnik. — Hetaja prablema isnuje i ŭ nas. Tamu my ŭviali paniaćcie vychadaŭ № 1, 2, 3, 4. Hetyja čatyry numary źjaviacca ŭ dalejšym na pakazalnikach».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?