20 lutaha pradstaŭniki tahačasnaj ułady vydali «cituškam» z mabilizacyjnych składoŭ Ministerstva ŭnutranych spraŭ 408 aŭtamataŭ i 90 tysiač patronaŭ.

Reuters

Reuters

Pra heta siońnia ŭ čas bryfinhu paviedamiŭ načalnik upraŭleńnia śpiecyjalnych rasśledavańniaŭ Hienieralnaj prakuratury Ukrainy Siarhiej Harbaciuk.

«Raniejšaja ŭłada naohuł pierajšła ŭsie miežy, i vyrašyła uzbroić «citušak» 20 lutaha. Tady z mabilizacyjnych składoŭ MUS, dzie zachoŭvałasia zbroja, było vydadziena niepasredna pradstaŭnikam «citušak» 408 adzinak ahniastrelnaj aŭtamatyčnaj zbroi i 90 tysiač patronaŭ», — paviedamiŭ Harbaciuk.

Pavodle jaho słoŭ, pradstaŭniki raniejšaj ułady «byli hatovyja da šyrokamaštabnaha ŭžyvańnia hetaj zbroi».

Jon adznačyŭ, što ŭkazańnie na vydaču zbroi sa składoŭ addavaŭ niepasredna eks-ministr unutranych spraŭ Vital Zacharčanka.

U lutym 2014 padčas sutyknieńniaŭ pratestoŭcaŭ ź siłavikami ŭ centry Kijeva zahinuli bolš za sto čałaviek, sotni byli paranienyja, bolš za ŭsio ź ich — 20 lutaha. Pavodle źviestak Hienprakuratury, usiaho padčas Jeŭramajdanu paciarpieli 2,5 tysiačy čałaviek.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?