U Biełarusi prachodzić akcyja «Tydzień biez płastyku», arhanizavanaja tavarystvam «Zialonaja sietka». 

Pačatak akcyi byŭ prymierkavany da štohadovaha Mižnarodnaha dnia druhasnaj pierapracoŭki, jaki adznačaŭsia 15 listapada. «Tydzień biez płastyku» praciahniecca pa 22 listapada. Jaje meta — pryciahnuć uvahu hramadskaści i pramysłovych struktur da recyklinhu (pracesu pierapracoŭki adchodaŭ). 

Udzielnikam akcyi prapanujecca na praciahu tydnia nie vykidvać vykarystanyja płastykavyja pakiety i taru, a składać ich. Tak, ličać arhanizatary, možna budzie nahladna acanić, kolki płastyka čałaviek kuplaje i ci treba jamu nabyvać takuju kolkaść upakoŭki. «Maleńki płastykavy pakiet, u jaki nam u mahazinie kłapatliva kładuć aharodninu, butelka z-pad napoju, plonka, u jakuju zahortvajuć sadavinu, — usio heta raskładajecca bolš za 300 hadoŭ. Ale heta pieršaje, što adpraŭlajecca ŭ śmietnik, a potym u vielizarnaj kolkaści traplaje na haradskija zvałki. Hetyja hory płastyku zabrudžvajuć ziamlu, atručvajuć hruntavyja vody, admoŭna ŭpłyvajuć na źmienu klimatu», — adznačajecca ŭ paviedamleńni, apublikavanym na «Zialonym partale».

Udzielnikam akcyi prapanujecca na praciahu tydnia vieści dziońnik, apisvajučy kožny pražyty dzień, i da 20 listapada vysłać zapisy na adras: [email protected]. Arhanizatary akcyi abiacajuć padrychtavać cikavy vynikovy materyjał i apublikavać jaho na «Zialonym partale».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?