Fota: pres-słužba fondu Kličko

Fota: pres-słužba fondu Kličko

Student Kijeŭskaha Nacyjanalnaha avijacyjnaha ŭniviersiteta Anton Hałavačanka raspracavaŭ rabatyzavany ekzaškilet UniExo, što dapamoža narmalna ruchacca ludziam z traŭmavanymi ci paralizavanymi kancavinami, raspaviadaje AIN.UA. Prajekt užo atrymaŭ šerah ukrainskich i mižnarodnych uznaharod.

Pratatyp ekzaškileta kirujecca prahramaj i datčykami na ciele, finalnaja viersija budzie vykarystoŭvać niejrašlem. Technałohiju Anton užo pravieryŭ na sabie, kali ŭdaryŭ kalena, na dziciaci z paralizavanaj paśla insultu rukoj i na ŭłasnaj babuli, u jakoj ruka adniałasia praz uzrost.

Ekzaškilet dazvolić nie tolki ruchać paškodžanymi kancavinami, ale i reabilitavać ich da narmalnaha stanu. U pryvatnaści, ruka babuli paśla testaŭ stała častkova pracavać, atrymałasia i raspracavać ruku dziciaci.

UniExo raźličany jak na karystalnikaŭ, zdolnych samastojna kiravać ekzaškiletam, tak i na tych, kamu spatrebiacca admysłovyja prahramy reabilitacyi. Akramia taho, pryłada maje ultrahukavyja datčyki, što dapamohuć aryjentavacca ŭ prastory i papiaredžvać ab pieraškodzie.

Prajekt nie pieršy dla 21-hadovaha Antona: jon zajmajecca robatatechnikaj z 13 hod. Pieršaja jaho «prafisijnaja» pryłada, robatyzavanaja płatforma dla hruzaŭ na składzie, atrymała pryz ad «Intel Ukraina» za aryhinalnaść dumki. U jaho kapiłcy prajekty robata-pažarnaha i intelektualnaha elektramabila. UniExo jon raspracavaŭ za 10 miesiacaŭ i sabraŭ za niekalki dzion, zaprahramavaŭ z dapamohaj dekana instytuta aerakaśmičnych sistem kiravańnia i ŭłasnaj matuli. Natchniaŭsia filmam «Žalezny čałaviek».

Pa słovach raspracoŭščyka, ekzaškilet ź niejrakiravańniem budzie kaštavać 25 tysiač dalaraŭ, što ŭdvaja tańniej za padobny rasijski prajekt «ekzaatleta» na kastylach, utraja tańniej za ekzaškilet ReWalk i ŭ čatyry razy — za EksoBionic. Prajekt najpierš naceleny na miedycynskaje ŭžyvańnie, ale moža zacikavić i vajskoŭcaŭ. Na siońnia Anton biare ŭdzieł u konkursach dla startapaŭ i šukaje finansavańnie na toje, kab zrabić UniExo dastupny kožnamu ź miljarda ludziej z prablemami aporna-ruchalnaha aparatu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?