Viciebčuki apošnija niekalki dzion pakutujuć ad pachu dyma i imhły, što nakryli haradskija kvartały. Śpiecyjalisty adznačajuć, što takija źjavy mohuć być źviazanyja ź lasnym pažaram u Vieližskim rajonie Smalenskaj vobłaści Rasii.

22 žniŭnia tut byŭ znojdzieny ačah tleńnia lasnoha podściłu. Zaraz idzie likvidacyja pažara na płoščy 3,6 hiektara.

Jon znachodzicca prykładna ŭ 60 kiłamietrach na paŭnočny ŭschod ad Viciebska. Apošnija dni, pa nazirańniach sinoptykaŭ, u abłasnym centry viecier dźmuŭ akurat z paŭnočna-uschodu, jon i moh prynieści dym z-pad Vieliža, paviedamlaje Jeŭraradyjo sa spasyłkaj na sajt Narodnych navinaŭ Viciebska.

Pavodle apieratyŭnych dadzienych Viciebskaha abłasnoha ŭpraŭleńnia MNS z 6:30 22 žniŭnia da 6:30 23 žniŭnia na terytoryi vobłaści adbylisia 4 lasnyja pažary na ahulnaj płoščy 3,41 hiektara. Pres-słužba MNS nie ŭdakładniaje ich miescaznachodžańnie, a słužbaj «Global Forest Watch: Fires» za 48 hadzin adznačana tolki adno ŭzharańnie na terytoryi Viciebskaj vobłaści — pamiž Oršaj i Sianno.

Клас
0
Панылы сорам
0
Ха-ха
0
Ого
0
Сумна
0
Абуральна
0