Palityk i movaznaŭca Vincuk Viačorka hetak prakamentavaŭ Radyjo Svaboda vyzvaleńnie 22 žniŭnia šaści palitviaźniaŭ:

«Dziakuj Bohu, što ludzi narešcie na (adnosnaj) svabodzie i što ichnamu žyćciu i zdaroŭju stała mienš pahrozaŭ. Ščyra vinšuju ŭsich vyzvalenych. Łaska aŭtakrata tut ni da čoha: jany prajavili ćviordaść u adstojvańni hodnaści j svabody, uzornuju dla ciapierašniaha i budučych pakaleńniaŭ, i vyjšli z-za krataŭ nia złomlenymi.

Na žal, hety krok amal nie spryčynicca da źmianšeńnia roŭniu strachu j servilnaści ŭ hramadztvie.

Što Łukašenka vypuścić mižnarodna pryznanych palityčnych viaźniaŭ, stała zrazumieła nia tolki ź jahonaha namioku padčas razmovy ź niezaležnymi žurnalistami. Biesprecedentnaja čarada vizytantaŭ u Miensk z EZ i navat z Złučanych Štataŭ aznačała, što voś-voś maje adbycca niešta, čaho jany ŭ kuluarach damahalisia. Hetaje «niešta» — minimum minimorum. Nie mianiać ničoha ŭ dziaržavie: nie papuskacca ani valniejšym vybaram, ani svabodzie presy, ani, skažam, pravam niezaležnych prafsajuzaŭ, ale zrabić pierad «vybarami» adzin-adziny humanny krok.

Na žal, hety krok amal nie spryčynicca da źmianšeńnia roŭniu strachu j servilnaści ŭ hramadztvie. Zamiest vyzvalenych užo pačynajuć «pakavać» nastupnych palityčnych viaźniaŭ, jak byvała i raniej. Ale dla tych u eŭrapiejskich stalicach i Vašynhtonie, chto spadziajecca pierakanać Łukašenku stać niezaležnikam i adnačasova prynamsi imitavać liberalizacyju, hetaha dastatkova. Cyniki j «prahmatyki» pačnuć z režymam čarhovy seans business as usual, a da naiŭnych rasčaravańnie pryjdzie paźniej. Bo nia stanie saviecki aŭtakrat ani niezaležnikam, ani talenavitym imitataram demakratyzacyi. Bo svabodny biełaruski narod jamu strašniejšy za Pucina».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?