Žurnalist «Priessboła» Barys Tasman rezka asudziŭ zatrymańnie Uładzimira Bieražkova.
«Našaha Piatroviča biessaromna vykarystali łajdaki, zładziei i «impatenty», jakija nie ŭmiejuć stvarać, a zdolnyja tolki kraści, nienavidzieć i pomścić. Tamu i kraina kocicca ŭ tartarary. Dumaju, jany jašče nie razumiejuć, što robiać i na kaho zamachnulisia», — napisaŭ Tasman na svajoj staroncy ŭ fejsbuku.
Papularny žurnalist Uładzimir Bieražkoŭ pahadziŭsia stać vykanaŭcam abaviazkaŭ hienieralnaha dyrektara chakiejnaha kłuba «Dynama-Minsk», jaki strasali karupcyjnyja skandały. Adnak praź niekatory čas jaho aryštavali pa abvinavačvańni ŭ kradziažy hrošaj kłuba.
«Śledčym kamitetam raspačata kryminalnaja sprava pa č. 3 art. 210 Kryminalnaha kodeksa. Słužbovaja asoba padazrajecca ŭ kradziažy hrašovych srodkaŭ kłuba praz złoŭžyvańni słužbovymi paŭnamoctvami ŭ pamiery nie mienš za 45 miljonaŭ rubloŭ», — paviedamiła pres-słužba Śledčaha kamiteta.
Čytajcie jašče: Piać faktaŭ pra aryštavanaha Uładzimira Bieražkova
