Śmierć Suśvietu va ŭjaŭleńni mastaka. Vyjava: Moonrunner Design dla National Geographic

Śmierć Suśvietu va ŭjaŭleńni mastaka. Vyjava: Moonrunner Design dla National Geographic

Suśviet pavolna pamiraje, jon vypracoŭvaje ŭdvaja mienš enierhii, čym 2,3 młrd hod tamu, pišuć (PDF) astrafiziki ŭ časopisie Monthly Notices of the Royal Astronomical Society. Ich nazirańni dazvolili sprahnazavać čas śmierci Suśvietu.

Praz sto tryljonaŭ hod zhasnuć čyrvonyja karliki — apošnija jaskravyja zorki Suśvietu. Paśla ich zastanucca tolki čornyja dziry, niejtronnyja zorki dy niejaskravyja biełyja i karyčnievyja karliki. Luboje žyćcio stanie absalutna niemahčymym.

Praz kvadryljon (1 000 000 000 000 000) hod źniknuć apošnija płaniety. Praz 10 kvadryljonaŭ hod čornyja dziry pahłynuć apošnija zorki.

A sami čornyja dziry źniknuć praź dźvie dziasiatych huhła (2 i jašče 99 nuloŭ) hod — jany vyparacca praz vypramieńvańnie Chokinha (adzinaje, što ź ich vylataje). Paśla pa suśviecie buduć lotać tolki nieŭparadkavanyja elektrony, fatony i pazitrony.

Toj fakt, što Suśviet pamre, nie jość šokam dla navukoŭcaŭ. Ab mahčymym zhasańni Suśvietu viadoma prynamsi z 1990-ch, ale dakładny jaho miechanizm da niadaŭniaha času byŭ niavyznačanym.

Ciapier daśledčyki paćvierdzili teoryju ab zhasańni Suśvietu. Jany nazirali za najbližejšymi da nas 220 tysiačami hałaktyk praź dziasiatki naziemnych i kaśmičnych teleskopaŭ i acanili vypramieńvańnie ŭ dvuch dziasiatkach dyjapazonaŭ, ad radyjachvalaŭ da ultrafijaletu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?