Daśledčyki Masačuseckaha technałahičnaha instytuta pradstavili dystancyjna kiravanaha robata, jaki moža prałamvać ścieny i zachoŭvać pry hetym raŭnavahu, stojačy na nahach.

Apieratar dakładna kiruje ruchami robata praz kaścium, padobny da ekzaškileta, robat paŭtaraje jaho ruchi. Rukami kantralujucca «robaruki», a «palcy» robata kantralujucca knopkami. Čałaviek bačyć toje, što «bačyć» kamiera na «hałavie» robata.

Takim čynam možna «źmiaścić» čałavieka ŭ tyja asiarodździ, jakija jaho cieła nie vytryvaje. Naprykład, robat moža ratavać ludziej na pažarach. Tam jamu jakraz spatrebicca zdolnaść rabić mocnyja ŭdary albo padbirać abjekty składanaj formy. Robat moža vykarystoŭvać čałaviečyja instrumienty — i navat nalić kavu z termasa, nie praliŭšy ni kropli.

Inšuju karysnuju zdolnaść robatam dali japonskija navukoŭcy. Jany navučyli pobataŭ-kansultantaŭ, što ŭžo pracujuć u japonskich handlovych centrach, aceńvać patencyjnuju pahrozu ad ludziej.

Robata navučyli aceńvać rost čałavieka — kali rost padobny da dziciačaha (mienš za 140 sm), to robat pačnie zahadzia trymacca dalej ad patencyjna bolš niebiaśpiečnaj pieraškody. Kali ž nizkich pieraškod mnostva, robat pasprabuje ŭciekčy bližej da darosłych.

Zvyčajna kali Robovie 2 bačyć pierad saboj pieraškodu ŭ vyhladzie čałavieka, jon spačatku prosić jaje adyści, zatym, kali nie było reakcyi, sprabuje jaje abjechać.

Ale kali takoj pieraškodaj stanoviacca dzieci, jany hulajucca z robatam i nie dajuć jamu darohi. Robat moža naškodzić sam sabie ŭ sprobach pieraadoleć niepieraadolnaje, a moža i vypadkova paranić dziaciej. Da taho ž, dzieci mohuć šturchać robata — i ŭ vyniku złamać.

Ahresiŭnaje staŭleńnie da robataŭ prajaŭlajecca i ŭ darosłych. 

Karotkamietražny žudzik «Ejb» vydatna pakazvaje adnu z fobij čałaviectva, źviazanych z robatami

Nie tak daŭno nieviadomyja ŭ ZŠA adarvali hałavu robatu-aŭtaspynščyku. Robaty ciapier stanoviacca achviarami bytavoj dyskryminacyi: ich admaŭlajucca absłuhoŭvać u fast-fudach.

Mahčyma, strach pierad robatami źviazany z pahrozaj čałaviečym prafiesijam: robaty vykonvajuć niekatoruju rabotu lepš za ludziej. Jany mohuć zabrać u ludziej amal pałovu prafiesij — nie tolki niebiaśpiečnyja, jak u vypadku robataŭ-rataŭnikoŭ, ale i rutynnyja dy navat davoli kamfortnyja ofisnyja.

Inšaja pahroza ad robataŭ dobra apisanaja ŭ fantastyčnych bajevikach: uzbrojenyja mašyny mohuć paŭstać. Pakul ludziam pahražajuć tolki niaŭzbrojenyja robaty i (chutčej za ŭsio) tolki pry nieaściarožnym vykarystańni. Dy Styvien Chokinh, Styŭ Voźniak, Ełan Mask i inšyja hienii čałaviectva zaklikali nie davać robatam zbroju.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?