Śviatło z hetaha lista budzie bačnaje jak biełaje. Fota: Arizona State University/Nature Nanotechnology

Śviatło z hetaha lista budzie bačnaje jak biełaje. Fota: Arizona State University/Nature Nanotechnology

Navukoŭcy i inžyniery Aryzonskaha dziaržaŭnaha ŭniviersiteta (ZŠA) stvaryli pieršy łazier, što moža śviacić biełym śviatłom, i raspaviali pra jaho ŭ časopisie Nature. Jaho možna budzie vykarystać u dyspłejach, śviacilnikach i «łaziernym» Wi-Fi.

Łaziery śvieciać adnym koleram: ich śviatło monachramatyčnaje, to značyć, u vielmi vuzkim dyjapazonie daŭžyń chvalaŭ. Bieły łazier kambinujecca z troch, čyrvonaha, siniaha i zialonaha, što stvaraje ŭražańnie biełaha — poŭnaha śpiektru bačnych nam koleraŭ.

Ciažkaść sa stvareńniem «biełaha» łaziera była ŭ vielmi roznaj struktury paŭpravadnikoŭ dla roznych koleraŭ. Sakret u raniej niemahčymym «zroščvańni» niespałučalnych rečyvaŭ. Ich abjadnali ŭ liście taŭščynioj u niekalki nanamietraŭ paŭpravodnych płastoŭ z cynkam, kadmijem, sieraj i sielenam. List padzieleny na niekalki siehmientaŭ, kožny vypramieńvaje svoj koler.

Kožny siehmient moža asobna ŭzbudžacca impulsami roznaj mahutnaści, što daje na 70% bolš vyraznyja kolery, čym u inšych viadomych štučnych krynicach śviatła. Łaziery mohuć być značna bolš efiektyŭnymi za śvietładyjody. Kali apošnija dajuć 150 lumien śviatła na vat elektryčnaści, łaziery mohuć davać bolš za 400 lumien na vat. To značyć, mohuć być stvoranyja jaskravyja i enierhaefiektyŭnyja «łaziernyja dyspłei».

Taksama bieły łazier moža stać asnovaj Li-Fi — «łaziernaha Wi-Fi», što moža stać u 10 razoŭ chutčejšym za zvykły Wi-Fi. Pieradača infarmacyi śviatłom moža adbyvacca z chutkaściu da 100 Hbit/s.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?