Hrecyja abvieścić defołt 30 červienia. Pra heta paviedamlaje The Wall Street Journal sa spasyłkaj na krynicy va ŭradzie respubliki.

Adpaviednaja infarmacyja raźmieščana ŭ aficyjnym Twitter haziety.

30 červienia Afiny pavinny byli pieraličyć Mižnarodnamu valutnamu fondu 1,54 miljarda jeŭra ŭ košt pahašeńnia kredytu, ale ŭrad viečaram u paniadziełak zajaviŭ, što vypłaty nie budzie, paviedamlaje Jeŭrańjus.

Raniej, 26 červienia, Hrecyi nie ŭdałosia damovicca z kredytorami ab restrukturyzacyi doŭhu i praciahu prahramy finansavaj padtrymki.

28 červienia ŭrad respubliki prypyniŭ pracu kredytnych arhanizacyj u krainie da 6 lipienia. Taksama byŭ uviedzieny kantrol za rucham kapitału, kab spynić adtok hrošaj za miažu. Na dadzieny momant adzin čałaviek moža źniać u bankamacie nie bolš za 60 jeŭra ŭ sutki.

Akramia taho, na 5 lipienia ŭ Hrecyi pryznačany refierendum ab nieabchodnaści ŭviadzieńnia mier ekanomii, na jakich nastojvaje «trojka» kredytoraŭ — Jeŭrakamisija, Jeŭrapiejski centralny bank i MVF. Jany prapanavali płan z vaśmi punktaŭ. Siarod ich — piensijnaja reforma (dazvolić zekanomić Hrecyi 1% VUP u 2016), uzmacnieńnie baraćby z karupcyjaj i źmianieńnie padatkovaj sistemy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?