Prajekt partału Tuzin.fm i Padlašskaj opery i fiłarmonii budzie pradstaŭleny na fiestyvali «Nimi noči» stužkaj «U ahni narodžanaja» pad žyvuju muzyku hurta Re1ikt.

«Nimi noči» — unikalny fiestyval, pryśviečany niamomu kino, jaki ładzicca pry ŭdziele Nacyjanalnaha centra Alaksandra Daŭženki. Kinapakazy ŭ pieršuju čarhu ŭkrainskich stužak iduć u supravadžeńni sučasnaj žyvoj muzyki na pryčale Marskoha vakzała ŭ Adesie. Sioleta fest projdzie šosty raz. Jaho praviadzieńnie było pad pahrozaju ŭ suviazi ź niespryjalnymi finansavymi abstavinami, ale ŭsio vyrašyłasia stanoŭča, choć i daviałosia pieranieści kinakancerty z červienia na kaniec leta.

Fest projdzie ŭ dva dni — 22 i 23 žniŭnia.

Sioleta hałoŭnaj temaju stanie prablema dekamunizacyi i cenzury. Akrom ukrainskich niamych filmaŭ savieckaha času, u prahramie zajaŭleny dakamunistyčny film z Kitaju, karcina z Čechii. Upieršyniu na feście budzie pakazany biełaruski film – historyka-revalucyjnaja epapieja «U ahni narodžanaja» (1929), u žyvym supravadžeńni hurtu Re1ikt.

Hurty ź Biełarusi brali ŭdzieł u adeskim feście i raniej, ale ahučvali nie svaje stužki – u 2013 hodzie PortMone stvaryli saŭndtrek da ukrainskaha filma «Chlib» (1930), a letaś Jahor Zabiełaŭ supravadžaŭ francuzskuju stužku «Ménilmontant» (1926).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?