Na nastupnym tydni ministry abarony krain NATA praviaduć sustreču, dzie abmiarkujuć sakretny dakumient ab mahčymym vykarystańni Rasiejaj jadziernaj zbroi.
Ab hetym piša Die Welt.
«Sutyknuŭšysia z usio bolšaj napružanaściu ŭ adnosinach z Rasiejaj, NATA choča spačatku prakansultavacca na sustrečy ministraŭ abarony pa jadziernaj stratehii Rasii. Asnovaj pieramovaŭ stanie sakretny dakumient, jaki padrychtavała kiraŭnictva NATA», — havorycca ŭ paviedamleńni.
Udzielniki sustrečy chočuć praanalizavać, jak prezident Rasiei Uładzimir Pucin moža vykarystoŭvać jadziernuju zbroju ŭ kanfrantacyi z Zachadam, jakija mahčymaści Maskvy i z hetaha vyciakajuć nastupstvy dla NATA.
Jak zajaviŭ vydańniu vysokapastaŭleny dypłamat NATA, u aljansie «hłyboka zaniepakojenyja jadziernaj stratehijaj Rasii».
«Jadziernaja zbroja hulaje ŭ novaj rasijskaj stratehii tak zvanaj hibrydnaj vajny važnuju rolu», — dadaŭ jon.
Jak viadoma, raniej u RF zajavili, što Maskva maje namier pašyryć svoj jadzierny arsienał i zbuduje bolš za 40 novych mižkantynientalnych balistyčnych rakiet dla jadziernych siłaŭ da kanca hoda.
Prezident Rasii Uładzimir Pucin zajaviŭ, što hetyja rakiety zdolnyja «prabić navat samyja technałahična prasunutyja sistemy supraćpavietranaj abarony».
U svaju čarhu Hienieralny sakratar NATA Jens Stołtenbierh raskrytykavaŭ płany Rasii i zajaviŭ ab niebiaśpiecy padobnych krokaŭ.
